تستمع الآن

يسرا اللوزي: «مابفهمش ازدواجية الجمهور.. ومهما حكينا ظروف شغلنا هيقولوا متدلعين»

الأربعاء - ٣٠ يونيو ٢٠٢١

ردت الفنانة يسرا اللوزي على انتقاد جزء من الجمهور لها بأن تمثيلها «بارد» في انفعالاتها أمام الشاشة.

وقالت في برنامج «شيرين عرفة» عبر «إنستجرام»: «بيقولوا لي تمثيلي بارد بس ده رأي نسبة من الجمهور حقهم يشوفوا كده، علشان أنا مش بأفور في العياط والريأكشنات وده طبيعتي في حياتي العادية، فبالتالي لما بمثل بعمل ريأكشنات حياتي العادية  فده طبعي مالوش علاقة بالتمثيل».

كما علقت على الهجوم الذي تعرضت له بسبب صورها ببطن مكشوفة خلال حملها والتي نشرتها عقب الولادة، موضحة: «لما صورت السيشن ده ماكنتش مقررة هنزله ولا لأ لكن قلت يمكن أنزله زي ممثلين كتير في العالم بيعملوا كده، قلت هقرر بعد ما أولد، وبعد ما ولدت بصيت عالصور تاني لقيتهم حلوين».

وتابعت: «أنا من الأول عارفة أكيد إن الناس هتهاجم لكن ما بفهمش فكرة الازدواجية لما بلاقي مشاهير في دول مختلفة والناس تقول عادي وتبارك وتبدي إعجابهم وهم نفس الناس اللي بيهاجموا، وأنا ما بفهمش الازدواجية في إن ممثلة أجنبية تعمل كده وإحنا لأ علشان إحنا ستاتنا ما ينفعش يعملوا كده» مشيرة إلى أن تلك الصور من المفترض أن تعبر عن تدفق مشاعر الأمومة وليس الإغراء.

كما عبّرت عن المعاناة التي يواجهها نجوم الفن في مصل، موضحة: «إحنا ظروف شغلنا مهما هنطلع نقول الناس هتقول إحنا متدلعين، إحنا في شغلانة صعبة ومواعيدها صعبة وعدد ساعات شغل غير آدمي وبنصدّر صورة إننا دايمًا سعدا وبنخرج بس ما بيشوفوش المهازل اللي بتحصل».

وشاركت يسرا اللوزي في موسم رمضان الماضي في مسلسل «بين السما والأرض» وهو من أولى تجارب الأعمال الـ15 حلقة فقط في مصر، وهو عن قصة نجيب محفوظ، سيناريو وحوار إسلام حافظ، إخراج محمد العدل، بطولة هاني سلامة، درة، نجلاء بدر، سوسن بدر، أحمد بدير، محمود البزاوي، محمد لطفي، محمد ثروت، يسرا اللوزي، محمود الليثي، نورهان، ندى موسى وعمرو صالح.


الكلمات المتعلقة‎


مواضيع ممكن تعجبك