تستمع الآن

علا غانم توضح موقفها من التلامس في الأعمال الفنية وحقيقة شجارها مع أيتن عامر

الأحد - ٢٧ يونيو ٢٠٢١

ردت الفنانة علا غانم خلال لقائها مع الإعلامية لميس الحديدي في برنامج «كلمة أخيرة» على موقف بعض الفنانين من التلامس خلال الأعمال الفنية أبرزهم الفنان يوسف الشريف.

وقالت علا: «والله هي وجهات نظر هو بيقدر يعمل الشخصية بالخطوط بتاعته وما بتخليهوش يفصل ده حلو جدًا إنه يقدر يعمل ده».

وأوضحت: «يعني المخرج مثلًا بيطلب إنه يقرب من الست ويمسكها علشان يوصل الإحساس عالكاميرا، ويحس بالحميمية والود، إذا قدرت توصل الإحساس ده من غير تلامس برافو، الحاجات دي بتساعد الممثل إنه يطلع بالإحساس أكتر، فهي حسب إمكانيات كل ممثل».

وأوضحت أنها ندمت على تقديم عدد كبير من أعمالها أبرزهم فيلم «أحاسيس»، قائلة: «أحاسيس بيضايقني ما بحبش أشوفه لأن كنت ممكن أقدم الرسالة دي بشكل مختللف عن كده وأشيك شوية وكنت مجبرة، خلاص دورك وفيلمك لازم تعمليه وده اللي اتقال لي فكان يبقى أملي في الرقابة إنها هتشيل فساعات ما كانوش بيشيلوا ولو رجع بيا الزمن مش هعمله».

وكشفت علا  غانم حقيقة ما تردد عن خلاف بينها وبين أيتن عامر بعد مشهد مشاجرتهم في مسلسل «الزوجة الثانية»، موضحة: «لأ طبعًا، كل اللي حصل المخرج قال لي في ودني عاوزك تاكليها علقة، دي أنتي مفروسة منها عاوز أشوف غل، فقلت له هنعمل إيه قال لي قلم جامد وزقة، فهي اتفاجئت وكان المخرج خيري بشارة اللي قال لي كده إحنا مثبتينها وعاوزها تتفاجيء، وهي ما زعلتش وعمرها ما ذكرت إنها زعلت».

وعادت علا غانم بعد غياب عن الساحة الفنية والإعلامية منذ آخر أعمالها المعروضة في مصر عام 2017، للاحتفال بزفاف نجلتها كاميليا الدفراوي في مصر قبل أسبوع بعد استقرارهم في الولايات المتحدة الأمريكية، حيث ستعيش ابنتها بعد الزواج في مصر بينما تعود هي لأمريكا مرة أخرى.


الكلمات المتعلقة‎


مواضيع ممكن تعجبك