تستمع الآن

ريهام سعيد تكشف إصابتها بمرض مزمن: «طلعت تحاليلي أوحش حاجة»

الخميس - ١٧ يونيو ٢٠٢١

كشفت المذيعة ريهام سعيد عن إصابتها بمرض السكري المزمن بعد تدهور نتائج تحاليلها.

وأوضحت في مقطع فيديو نشرته عبر فيسبوك أنها تلقت نتائج تحاليلها مؤخرًا والتي أوضحت نتائج سيئة فيما يخص تحاليل الدم، كما بيّنت التحاليل إصابتها بمرض السكر.

وقالت ريهام سعيد في الفيديو: «أنا طلعت تحاليلي أوحش حاجة والحمد لله وهو من التحاليل اللي ضايقتني أوي بخصوص السكر، أنا اكتشفت أن جالي سكر ودي حاجة لا ألوم عليها حد غير نفسي لأن أنا اللي حمّلت نفسي فوق طاقتي وكنت دايما بقول أن ربنا مش بيدي حد حاجة غير على قد طاقته».

وتابعت: «السكر للأسف حاجة بشعة ولازم تحارب وما تاكلش وما تزعلش ودي حاجة صعبة أوي وسط اللي بنعيشه حاليا، لأن إحساس الظلم أكتر حاجة بتوجع وبتصايق، وعاييزة أنصحكم ما تجوش أبدا على نفسكم ومفيش حاجة مستاهلة لأن كله بتدابير ربنا، وأهم حاجة لو ليكم أعداء زي ما الرئيس قال لما تكون عايز ترد على منتقديك ما تقعدش ترد على كل واحد».

وأوضحت خلال مقطع الفيديو: «سمحت لناس يضايقوني طوال 20 سنة بدون وجه حق، وسمحت لنفسي بغبائي إني أضايق نفسي، لكن جاء الوقت اللي أخلي بالي فيه من نفسي وأوفر وقت كتير لي من غير أولادي أو شغلي ومن غير ما أهتم مين اللي بيتبلى عليّ ومين اللي بيهاجمني.. ربنا ينصرني على أعدائي اللي معرفش هم أعدائي ليه، ومش ذنبي إني ناجحة وأن اسمي رنان».

واختتمت: «لما وصلتني التحاليل حبيت أقولهم خلوا بالكم من نفسكم ومفيش حاجة في الدنيا مستاهلة لأن كل حاجة هتعدي، وما تاخدوش فوق طاقتكم، لأن ربنا عارف أنه بيدي كل واحد حاجة عارف إنه هيتحملها.. ما تضايقوش نفسكم أبدًا».

وأوضحت ريهام قبل أيام حقيقة ما تم تداوله عن وقف برنامجها صبايا الخير على قناة «النهار».

وكشفت في فيديو: «لم أتعرض للوقف مثلما انتشر عبر السوشيال ميديا، وأن مدة عقدها تم الانتهاء منها، وأنا حبيت أظهر وأوضح للناس أنا ما اتوقفتش، لكن عقدي انتهى مع القناة ولم يحدث أى خلاف مادى أو مهنى بسبب حلقة أم نور التى عرضت بموافقة القناة والرقابة وكل الجهات التى راجعتها قبل عرضها».


الكلمات المتعلقة‎


مواضيع ممكن تعجبك