كشف السيناريست عمرو محمود ياسين عن السبب وراء النهاية غير المتوقعة لأحداث مسلسل “اللي مالوش كبير” من بطولة ياسمين عبدالعزيز وأحمد العوضي، والذي يعرض ضمن مسلسلات رمضان 2021.
وفسر عمرو محمود ياسين رؤيته في النهاية التي كتبها وكانت بمثابة مفاجأة للجمهور حيث شهدت حادث قتل واعتداء وأزمات متتالية بعد زواج غزل “ياسمين عبدالعزيز” بالخديوي “أحمد العوضي”.
وقال عمرو محمود ياسين عبر حسابه على صفحته على “فيسبوك”: “الدم بيجيب دم والافترا والبلطجه عمرهم ما يحموا انسان او يضمنوا له حياه سعيده او مريحه اللي عايز يتوب يتوب. بس مش بعد خراب مالطة”.
وتابع: “عشان كده في شطر في التتر بيقول واللي يختار غلط سكوته يدمره.. بمعني ان اللي يختار غلط ويفضل ساكت على غلطه.. مع الوقت هيتدمر وده اللي حصل مع الخديوي في الحلقتين اللي فاتوا راح منه أخوه وراح صديق عمره وراح الجنين اللي كان في بطن أمه”.
وأضاف: “دي النتيجة الطبيعية أما بقى اللي كان مستني قصة حب بين بلطجي كيوت وست حلوة ومتضايق وبيقولي احنا بنتفرج عشان نتبسط و زعلانين مني قوي فا أحب اقلك ان ده مسلسل تراجيدي. و مش هخالف المنطق ولا ضميري عشان بعض الناس تتبسط”.
واستطرد عمرو محمود ياسين: “أنا مش بعمل نهايات على الكيف يا جماعة أنا بعمل النهاية اللي اشوفها منطقية واللي عايز يتبسط وهي كده يروح دريم لاند مثلا”.
يذكر ان مسلسل “اللى مالوش كبير” تدور أحداثه في إطار اجتماعى أكشن، ومن بطولة: ياسمين عبد العزيز ، أحمد العوضى ، خالد سرحان ، خالد الصاوى ، دينا فؤاد ، دنيا عبد العزيز ، فتوح أحمد ، عايدة رياض ، بدريه طلبة ، أحمد عبدالله محمود ، أحمد سعيد عبد الغنى، إيمان السيد ، محمود حافظ، بسنت النبراوي، هدى الإتربي.
الدم بيجيب دم والافترا والبلطجه عمرهم ما يحموا انسان او يضمنوا له حياه سعيده او مريحه اللي عايز يتوب يتوب. بس مش…
Posted by Amr Mahmoud Yassin on Tuesday, 11 May 2021
مواضيع ممكن تعجبك
