تستمع الآن

إيهاب توفيق: «عمرو دياب بيغير مني.. وفيه ناس بتعمل لي حاجات مؤذية في البيت»

الإثنين - ٠٣ مايو ٢٠٢١

حكى الفنان إيهاب توفيق عن كواليس علاقته بالفنان عمرو دياب خلال لقائه ببرنامج «شيخ الحارة والجريئة» مع إيناس الدغيدي على «القاهرة والناس».

وقال إيهاب توفيق: «مفيش خلاف بس مفيش اتصال ولا ود، فيه غيرة من زمان، عمرو أقدم مني لكن بعد ظهوري عملت شوية قلق فدول عملوا غيرة شوية».

وتابع: «زمان لما كنا شباب كنا بنلعب كورة مع بعض ونحضر حفلات ومناسبات لأصدقاء وفجأة الدنيا باظت والله أعلم».

وعن المقارنة بين أهمية عمرو دياب ومحمد منير، قال: «الاتنين مهمين، كل واحد له جمهوره اللي بيحبه، الاتنين من الناس اللي أنا شخصيًا بحبهم وبسمع أغانيهم».

واستعاد إيهاب توفيق ذكريات أبناء جيله من مصطفى قمر وهشام عباس وحميد الشاعري، قائلًأ: «الجيل بتاعنا ما كانش فيه موضوع مين أشهر واحد، إحنا كنا بنسجل أغانينا مع بعض، كنا بنجتمع في شقة حميد الشاعري ونسجل أغانينا، وكنا بنقعد مع بعض أكتر ما بنقعد في بيوتنا وكنا أكتر من الأخوات والروح اللي مابيننا مستمرة لحد النهارده».

وأشار إيهاب توفيق إلى محاربة بعض الأشخاص في الوسط الفني له، كارهين عودته للغناء مرة أخرى، موضحًا: «ناس كتير في الوسط كارهين رجوعي علشان ما أعملهمش مزاحمة وقلق في الحفلات، الموضوع وصل لأن فيه ناس بتيجي تعمل لي حاجات مؤذية في البيت» مشيرًا إلى فنان معين يغنّي ويمثّل، بدون ذكر اسمه.


الكلمات المتعلقة‎


مواضيع ممكن تعجبك