تستمع الآن

أبرزهم إدوارد وأحمد زاهر ونور.. فنانون يدعمون المخرج محمد سامي

الإثنين - ١٧ مايو ٢٠٢١

حرص الفنان إدوارد على توجيه رسالة دعم للمخرج محمد سامي بعد الهجوم الذي تعرض له من قبل بعض زملائه من الوسط الفني، بالإضافة إلى إيقاف التعامل معه من قبل الشركة المنتجة لمسلسله الأخير “نسل الأغراب”.

ونشر إدوارد عبر حسابه على “تويتر” صورته مع سامي، وكتب: “أدعم المخرج محمد سامي ضد حملة التشويه اللي يقوم بها بعض الزملاء وعلشان كده بقول شهادة حق في المخرج محمد سامي أنا اشتغلت معاه وتعاملت في الشغل معاه راجل بحب شغله جدا وبيتعب كتير واتعامل معايا بكل احترام وحب وبيحب الممثل جدا”.

وأضاف إدوارد: “بيطلع أحسن ما عنده وعشان محدش يقول عشان أنا بشتغل معاه الناس كلها عارفه أني بشتغل معاه ومع غيره ومش مستني شغل من حد الحمدلله أنا تاريخي في السينما والدراما كبير وبشتغل مع ناس كتير دي شهادة حق بس ولازم أقولها”.

محمد سامي

أحمد زاهر يدعم محمد سامي

وبعد إدوارد، حرص الفنان أحمد زاهر على دعم محمد سامي، وعلق عبر حسابه على فيسبوك: “أنا مش ضد قرار المتحدة لأن أكيد ده له أسباب وفي سبيلها للحل بإذن الله أنا ضد حملة التشويه البشعة لسمعة وشخص محمد سامي اللي بيقوم بيها بعض الزملاء وبعض اللجان الإلكترونية أنا ضد تشويه سمعة أي حد مش بس محمد سامي”.

وأضاف زاهر: “الراجل ده أنا أعرفه من 11 سنة واشتغلت معاه أكثر من 5 أعمال مشوفتش منه غير كل خير واحترام وتقدير للموهبة وبقولها وهاقولها طول عمري محمد سامي هو اللي غير حياتي بعد إرادة ربنا سبحانه وتعالى ولن أنسى له هذا الفضل هو اللي خلاني أخس 100 كيلو عشان تمسك بيا في مسلسل حكاية حياة وده الدور اللي غير حياتي وتتوالي بعده كم نجاحات وكلها معاه وأخرها فتحي في البرنس ودي كانت نقطه تحول تانية في حياتي”.

واختتم زاهر: “تفتكروا اللي شفت منه كل الخير والاحترام والتقدير والموهبة والنجاح ده كله مكنش جنبه وأدعمه أنا مفيش في إيدي حاجه أعملها غير إني أقول شهادة حق يعلمها الله سبحانه وتعالى وعاوز بس أفكركوا إن محمد سامي هو نفس المخرج اللي سقفتوا له كل السنين اللي فاتت ومن منا بلا خطيئة”.

وكانت الشركة المنتجة لمسلسل “نسل الأغراب” أعلنت في بيان أنه قد تم اتخاذ قرار بوقف التعامل مع المخرج وكاتب السيناريو محمد سامي.

 

View this post on Instagram

 

A post shared by Edward (@edwardfouad)

وفي أعقاب القرار انتشرت تعليقات سلبية من قبل بعض الفنانين ومن قبل الجمهور أيضا تجاه الأزمة.

الفنانة نور

كما قامت الفنانة نور بدعم المخرج محمد سامي، حيث نشرت صورة لها بصحبته وعلقت قائلة: “محمد سامي مخرج موهوب وشاطر وفنان ومتميز، اشتغلت معاه أكثر من مرة وما شفتش منه غير كل احترام وأخوة وتقدير وغيرة على الشغل، وقبل كل ده ابن ناس طيبين ومحترمين”.

وأضافت: “محمد سامي مخرج كبير وأعماله بتشهد على كده وبتتكلم عنه، العمل الفني ملك للجمهور والفن وجهات نظر و كل واحد بشوف العمل الفني زي ما هو عايز، ما ينفعش نشمت فبعض ونجرح فبعض خصوصا إن إحنا زملاء وعارفين مدى التعب والكفاح اللي كل واحد مننا بيقدمه في المكان”.

نور كانت قد تعاونت مع محمد سامي في مسلسل “البرنس”، الذي عرض في رمضان 2020. المسلسل من بطولة محمد رمضان، أحمد زاهر، روجينا، إدوارد، نجلاء بدر وغيرهم نخبة من النجوم.

محمد سامي

هيدي كرم

كما أعلنت الفنانة هيدي كرم رفضها لحملة التشوية التي يتعرض لها سامي وعبر صفحتها الرسمية على فيسبوك، كتبت: “أنا مش ضد أو بهاجم القرار اللي تم اتخاذه ضد المخرج محمد سامي لأن أكيد القرار ده فيه وراه أسباب وإن شاء الله كل حاجه تتحل والمياه ترجع لمجاريها”.

وأضافت هيدي كرم “أنا ضد حملة التشويه اللي حاصله على السوشيال ميديا اللي بتستهدف تشويهه وزرع الكراهية ضده محمد سامي مخرج موهوب بكل معاني الكلمة ومحترم جداً وأنا شخصياً كان ليا موقف شخصي معاه في مسلسل لؤلؤ دعمني فيه نفسياً ومعنوياً وأدبياً جداً مع إني ما كنتش أعرفه كويس خالص لكنه وقف للحق وقفة راجل محترم”.

محمد سامي

الفنانة مريم سعيد

وكانت الفنانة مريم سعيد، قد كشفت عن تعرضها للتهديد من سامي خلال عملها في مسلسل “نسل الأغراب”.

وقالت مريم في تصريحات لصحيفة “أخبار اليوم”: “سامي قال لي أنا هدفعك مليون جنيه لو مشيتي.. هو أنا أجري كله كام عشان أدفع مليون جنيه للشركة”.

وأشارت مريم، إلى أنها صمتت من أجل لقمة العيش وأن هذا الموقف لم يحدث معها فحسب، لكنه تكرر مع زملائها في العمل ومنهم الفنان حمدي إسماعيل.

مسلسل “نسل الأغراب” من بطولة كلّ من أحمد السقا وأمير كرارة، وأحمد مالك، وأحمد داش، ومي عمر، ونجلاء بدر، وسلوى عثمان، وعماد زيادة، وهدير عبدالناصر، وفردوس عبدالحميد، وأسماء أبواليزيد، وإدوارد، ومحمد جمعة، ومحمد مهران، ودياب، سيناريو وحوار وإخراج محمد سامي.


الكلمات المتعلقة‎


مواضيع ممكن تعجبك