تستمع الآن

أمير كرارة يعلق على محاولات الصلح مع مها أحمد بعد تصريحاتها الأخيرة

الإثنين - ١٧ مايو ٢٠٢١

رد الفنان أمير كرارة على الأزمة التي أثيرت مؤخرًا بعد تصريحات الفنانة مها أحمد عن بطلي مسلسل «نسل الأغراب» أحمد السقا وأمير كرارة بعد قرار وقف التعامل مع مخرجه محمد سامي.

وكانت مها أحمد أشارت بدون التصريح بالاسم، إلى بطلي العمل في منشور لها على «فيسبوك»، قالت فيه: «عوضي على الله دى الجمله اللى دايما بقولها لما اتصدم فاشخاص. الحكايه ياساده نجمين عملوا مسلسل واتنجمت عليهم بنوته لسه الف باء تمثيل واديتهم على قفاهم وركبت عليهم الى ان اصبحت بطلة المسلسل وبطلة الدعايه للمسلسل وهما راضيين رغم ان طول عمرهم مبيعملوش كده مع اى زميله لهم اقربها انا».

وبادر الفنان أحمد التهامي بمنشور للصلح بين الفنانين، قال فيه: «دول أخواتي و دول أخواتي وإن شاء الله ربنا يقدرنا علي فعل الخير…. أرحموا من في الأرض يرحمكم من في السماء الدنيا صعبة والناس تعبانة لازم نستحمل بعض شوية، صاحب الشأن راجل محترم وأبن بلد وبيفهم في الأصوال وعارف إنها واحدة ست مش قدرة تستحمل من الظروف والضغوط اللي في حياتها الصعبة ومقدر إنها زوجة أخونا الراجل المحترم مجدي كامل ربنا يهدي النفوس ويهدينا جميعا لفعل الخير».

ليرد عليه أمير كرارة قائلًا: «مها اختي ومجدي اخويا وانا والله ولا زعلان ولا اي حاجه عشان فعلا الموقف دا محصلش وبردو مش زعلان منها دي حبيبتي ومجدي حبيبي واخونا».

أمير كرارة

وبالتوازي مع منشور «التهامي»، كتبت كذلك الفنانة نشوى مصطفى: «يارب وحياة حبيبك النبى يتصالحو ويتصافوا —  كلهم طيبين – وولاد الاصول الفرسان بنبل اخلاقهم حيسامحوا لانهم عارفين الظروف واكيد مقدرنها الحياة مش مستاهلة خناق وبتخلص فى ثانية وادينا شايفين والناس اللي بتنفخ فى النار من تحت لتحت حاقول لهم من فضلكم اغلبوا شياطينكم وخلينا نسعى فى الخير احنا عيلة واحدة واللي غلط اكيد ميقصدش التمس لاخيك الف عذر يارب بحق الايام الطيبة تمدهم بالمحبة وتنور قلوبهم وتبعد عنهم الشيطان».

ولقى منشور نشوى مصطفى قبولًا من عدد من نجوم الفن بينهم صلاح عبد الله ومي كساب وخالد جلال الذين علقوا بتمنياتهم بالصلح بين الأطراف.

أمير كرارة

وكانت مها أحمد قالت في منشورها محل الأزمة: «النجم الاولانى بينى وبينه عيش وملح وزماله رشحت فمسلسل بطولته وكان بيقنعنى بدور ولما وافقت بعتولى دور تانى معرفوش دور متعملوش واحده مبتداءه المفروض انه عارف قيمتى الفنيه وعارف انى اضافه له اتهرب منى وموقفش جنبى وباعنى رغم ان الكل عارف انى زى اخته (ندل)».

وتابعت: «اما التانى كان فبداياته يتمنى يسلم عليا ويقولى يااستاذه نزلت من نفسى وقلتله مش هنشتغل مع بعض ماهى الحوجه مره رد وقالى الدور بينادى صاحبه. طبعا محكلكوش قد ايه ندمت نفسى وعشت اسود ايام حياتى عياط واكتئاب. وقلت (عوضى عليك يارب) .تمر الايام والاتنين يعلو ويتجمعوا مع بعض فمسلسل واحد (على عينهم طبعا) ويمثلوا وحش قوى تمثيل الكفار وطلعوا كمان مبيقروش اللى بيمثلوه وربنا يركب عليهم بنوته سنه اولى تمثيل وخبره ويتحول المسلسل والدعايه الدراما كامله لصالحها وهما (مخدماتيه للاستاذه) .يمهل ولا يهمل ابدوا من جديد يااوفر تمثيل ياللى مبتقروش ياكمبارس جنب النجمه. نصيحه بلاش تتشطروا على اللى كان بينكم وبينهم عيش وملح بلاش تتشطروا على اساتذتكوا. (عوضنا على الله) .يارب متحوجنا لحد حتى ولو كان اققرب الناس لينا».

مها أحمد


الكلمات المتعلقة‎


مواضيع ممكن تعجبك