تستمع الآن

محمد فراج عن «لعبة نيوتن»: «متكيّف بالعمل مع منى زكي والحلقات الجاية فيها كتير»

الإثنين - ٢٦ أبريل ٢٠٢١

تحدث الفنان محمد فراج عن تفاصيل دوره في مسلسل «لعبة نيوتن» بعد تسارع الأحداث خلال الحلقات السابقة من المسلسل أمام بطلته الفنانة منى زكي.

وعبّر محمد فراج في مداخلة هاتفية مع الإعلامية لميس الحديدي في برنامج «كلمة أخيرة»، عن سعادته بالعمل أمام الفنانة منى زكي، واصفًا التجربة معها قائلًا: «من أمتع ما يمكن، بمثل معاها بقى لي سنة وشوية من أول الصندوق الأسود وبعدين لعبة نيوتن، فبقالي فترة متكيّف ومستمتع بالشغل معاها، وهي بني أدمة مجتهدة لأقصى درجة، فأنتي ما بتشوفيش النجمة منى زكي بتشوفي الشخصية اللي بتعملها بس، بتعيش الشخصية جدًا ومن أمتع لحظات حياتي في الشغلانة لما اشتغلت معاها ومن أكتر النجوم اللي أنا من جمهورها قبل ما أشتغل معاها».

لعبة نيوتن

وعن تفاصيل شخصيته، أوضح: «مؤنس هو محامي دولي عايش في أمريكا من 20 سنة تفرغ أكتر لأعماله الخاصة ويعتبر وسيط بين الحكومة الأمريكية والجاليات المسلمة في الولايات المتحدة، وهو بني آدم عنده مشاعر وأحاسيس ومنصبه بيحتم عليه إنه يظهر بصورة معينة، ولكن بظهور هنا في حياته الموضوع اتبرجل في دماغه وحياته وبرغم إنه متجوز، لكنه ممكن يقابل حد يعجب بيه ويحبه وده اللي حصل مع هنا، الحلقات الجاية كل حلقة فيها حاجات كتير».

مسلسل «لعبة نيوتن» بطولة كل من: منى زكي، محمد فراج، محمد ممدوح، سيد رجب، عائشة بن أحمد، مايان السيد، أسامة الهادي، ولأول مرة في الدراما المصرية الممثل المصري الأمريكي آدم الشرقاوي، سيناريو وإشراف على الكتابة مها الوزير، وتضم ورشة السيناريو والحوار الكُتّاب: مها الوزير، سمر عبد الناصر، محمد الشخيبي وعمّار صبري، تأليف وإخراج تامر محسن.


الكلمات المتعلقة‎


مواضيع ممكن تعجبك