تستمع الآن

أول رسالة من أسما شريف منير بعد الانفصال عن محمود حجازي

الخميس - ٠٨ أبريل ٢٠٢١

تحدثت الإعلامية أسما شريف منير ابنة الفنان شريف منير عن انفصالها عن زوجها الفنان محمود حجازي وذلك عبر تدوينة مطولة عبر موقع التواصل الاجتماعي “فيسبوك”.

وأكدت أسما شريف منير أنها تشعر بحزن كبير عقب الانفصال عن زوجها، حيث إن الأمر سبب لها فراغًا كبيرًا وألم، موضحة: “بعد اللي حصل أكيد زعلانة وأي فراق بيكون وجع وبيسيب فراغ وبيعمل برجلة، بس ساعات بيكون سيناريو رباني لسبب أكبر مننا إحنا مش فاهمين ليه دلوقتي بس بنفهم قدام”.

وتابعت أسما شريف منير : “أول مرة انفصلت واتكلمت في موضوع طلاقي ساعد ستات كتير أنهم يحسوا أنهم مش لوحدهم وأنهم ممكن يقفوا على رجليهم تاني ويشتغلوا ويتخطوا الألم، ولما اتجوزت وكنت مطلقة ومعايا بنت حسوا ان في امل و انهم مش معيوبين و لا ناقصهم حاجة عشان يستخصروا في نفسهم السعاده و بدايه حياه جديده لانه ده حلال ربنا”.

وأضافت: “المرة دي فكرت كتير بعقلي وحسيت اني عندي مسؤلية تجاه الستات اللي بتابعني، في الأول كنت مقررة أختفي من السوشيال ميديا شوية حلوين وأعزل نفسي وأروق على مهلي بس حسيت إن في ناس بتستمد طاقتها مني وبتقارن نفسها بيا عشان بنعدي بنفس الموقف مثلا فا بتكون عايزة تشوف هعمل إيه، أو ساعات برضه عشان لما حد بيشوف بلاوي الناس بتهون عليه بلوته، ربنا حطني في اختبار وابتلاء، قعدت اقرأ واتفرج على حاجات تساعدني فا قلت أقول لأي ست بتعدي بنفس الموقف انا بعمل إيه حاليًا”.

وأكملت: “لقيت إن أحسن حاجة إني أترمي بين إيد ربنا وارضى بقسمتي ونصيبي اللهم لا اعتراض.. بس في نفس الوقت مستسلمش عشان مهما حصل الدنيا هتكمل حتى لو أنا وقفت الدنيا هتفضل تدور كده كده واللي بيطبطب دلوقتي برضه عندهم حياة محدش هيسيب حياته عشان حد، لازم أشوف اكل عيشي عشان عندي مسؤليات وأرواح مسؤولة مني اولهم بنتي”.

واختتمت أسما شريف منير: “إن مع العسر يسرا، مفيش زعل أو وحش بس، أي حاجة صعبه اخرتها فرج، ما دايم إلا وجه الله.. بحبكم اوي و بشكركم علي دعواتكم و كلامكم و مواستكم ليا في ميزان حسناتكم، ربنا ما يحرمني منكم، و اجمدي كده (الكلام ده ليكي وليا)”.

انا بشر بتألم بزعل بعيط، بغلط، باثور و حياتي مش بمبه مسخسخ بس برضه ربنا اداني طاقة ايجابية و اداني نعم كتير منها انتوا و…

Posted by Asma Sherif Moneer on Wednesday, 7 April 2021

كانت أسما شريف منير قد أعلنت بشكل رسمي انفصالها عن الفنان محمود حجازي عبر صفحتها على موقع التواصل الاجتماعي “فيسبوك”.

وقالت أسما: “يا ريت بعد إذنكم تحترموا خصوصية الموقف من غير شائعات ولا اجتهادات ولا أسئلة محصلش نصيب بكل احترام ونقطة”.

وأضافت: “ربنا يكرمنا إحنا الاثنين.. بس كده مفيش أي تفاصيل تانية للصحفيين بعد إذنكم.. إحنا كان فى بنا عشرة وعيش وملح فأكيد مش هنتكلم عن تفاصيل بيتنا”.

أسما شريف منير
أسما شريف منير تعلن قرار الانفصال


الكلمات المتعلقة‎


مواضيع ممكن تعجبك