تستمع الآن

أحمد عز عن حفل المومياوات: «لو خواجات عملوه لن يقدموه بهذه الشياكة والرقي»

الأحد - ٠٤ أبريل ٢٠٢١

كشف الفنان أحمد عز عن كواليس مشاركته في حفل نقل المومياوات الملكية، والذي أقيم، يوم السبت، وأبهر العالم.

وقال عز في تصريحات تليفزيونية: “وقوفنا مع البلد حاجة مش تكرم ولكن حاجة أساسية وأبعد من الواجب وهو الطبيعي، ومن ساعة ما نزلت من البيت فيه حالة من الفخر والسعادة عند الناس كلها، حاجة شبيهة لما تعمل فيلم مصري والعالم كله يشوفه، واللي اتعمل أمس في بلدنا العالم كله شاهده دون أي استعراض لقوة لكن طلعنا بتاريخنا وثقافتنا بسهولة، وهو نجاح كبير جدا ويتزامن بعد نجاح الرجالة في قناة السويس من تعويم السفينة الجانحة وربنا يديمها علينا”.

وأضاف: “من اشتغلوا في هذا الموضوع عملوا مجهود جبار، اللي اتعمل لو خواجات جاؤوا يعملوه لن يقدموه بالشياكة والرقي الذي ظهر أمس، قدم بشكل فاخر مفيش أجمل من كده”.

وتابع: “إحنا لما بنريد بنعمل، لو عوزنا نعمل هنعمل النقطة كلها تلاقي مايسترو وناس تحب تعمل هذا الأمر، ومفيش فرد في منظومة الأمس لم يكن نفسه هذا الأمر يطلع بهذا الشكل، والحقيقة كل الأساتذة اللي اشتغلت في وسطهم ومعهم لم يقصر، ويارب دائما في نجاح واختيارات، واختارت لي البدلة الاستايلست مي جلال واشتغلنا مع بعض كثيرا، والمكان اللي الواحد فيه ساحر والموضوع كله حلو، وربنا وفقنا كلنا”.

وأوضح: “وأنا في تصوير عملي حاليا والمسلسلات تأخذ وقتا طويلا ويشرفني العمل في مسلسل (هجمة مرتدة) وهو ملف من ملفات المخابرات العامة المصرية وقصة حقيقية معاصرة وليس ملفا قديما ويارب نكون على قدر ما نقدمه، وباقي لي 5 أيام تصوير، ويارب نقدمه بالشكل اللي يعجب الناس، وسافرنا صربيا والأردن في عز البرد وكورونا”.

وقال الفنان أحمد عز، خلال كلمته أمس إن هرم خوفو أهم عجائب الدنيا السبع، حيث تم بناء الهرم منذ أكثر من 4500 سنة.

أضاف خلال كلمته في احتفالية نقل 22 مومياء ملكية من متحف التحرير إلى متحف الحضارة: “لحد النهاردة العلماء محتارين في أمر هرم خوفو، إزاي المصريين بالعظمة والدقة دي، بأدوات أقل من بسيطة، لو قارنها بتكنولوجيا النهاردة”.

تابعت: “الإجابة هي اللي بسيطة، المصريين قدروا يبنوا الصرح العملاق ده بالفكر والمعرفة والمهارة، وقبل كل ده العقيدة والإيمان هما السر الحقيقي للخلود، مصريين بقى”.


الكلمات المتعلقة‎


مواضيع ممكن تعجبك