تستمع الآن

أحمد السعدني يهاجم صنّاع مسلسله «كله بالحب»: «الواحد ساكت وبيعدي بلاوي»

الأحد - ٠٤ أبريل ٢٠٢١

أصدر الفنان أحمد السعدني بيانًا حول المشكلات التي يواجهها في كواليس مسلسله الرمضاني «كله بالحب» بطولة الفنانة زينة.

وكتب «السعدني» عبر «فيسبوك»: «الحقيقة انا عمري ما عملت مشكله في شغلي و عمري ما اختلفت مع زمايلي انما انا اللي بيحصل معايا في المسلسل اللي شغال فيه ٢٤ ساعه مبروحش بيتنا عشان يلحق العرض و الواحد ساكت و بيعدي بلاوي عشان الزنقة و الظروف  انا متربي في ستوديوهات كبرنا انا و اللي زيي اللي كان بيتقال عليهم ابناء الفنانين كانها شتيمة علي احترام مهنتنا مواعيدنا و مذاكرتنا و تحضيرنا للشغل احترامنا للكلمه قبل العقد».

وتابع: «للأسف شركة الانتاج ما التزمتش معايا باتفاقهم اللي علي اساسه وافقت اشتغل و كان شرط اساسي لقبولي الشغل معاهم و الحقيقه اول مره اشوف تصميم دعايه عمل فني من افيشات و برومو بتعمله زميله في العمل طول عمري كنت فاكرها من اختصاص شركة الانتاج الحقيقه انا ضهري في الحيط اكمل و اقبل بالعبث ده عشان باقي الزملا الفنانين و الفنيين المشاركين في العمل اللي ملهمش ذنب و الا اقعد في بيتنا و اكتفي باللي صورته و اطلب من النقابه تجيبلي حقوقي الماديه و في كل الاحوال انا بعتذر لاي شخص بيحبني عن تواجدي في هذا العمل لان الحقيقة اللي بيحصل ده مهزلة».

ومسلسل «كله بالحب» من بطولة زينة وأحمد السعدني وصابرين وهالة فاخر ومصطفي درويش ومحسن منصور وريم البارودي وسامر المصري، ومن تأليف ورشة أحمد الشخيبي، وإخراج عصام عبد الحميد.


الكلمات المتعلقة‎


مواضيع ممكن تعجبك