تستمع الآن

عبد الله مشرف: «اسمي كان بيتكتب قبل فاروق الفيشاوى في المسرح وما بفكرش في الدور بقدمه وأمشي»

الثلاثاء - ٠٢ مارس ٢٠٢١

كشف الفنان عبد الله مشرف كواليس دخوله عالم الفن خلال لقائه مع الفنانة إسعاد يونس ف برنامج «صاحبة السعادة» على dmc.

وقال خلال اللقاء: «دخلت الثانوية العامة أول سنة سقطت فيها تانى سنة أخويا نجح وأنا سقطت روحت مدرسة دواوين الثانوية وكان نفسى أنجح بس من غير مجموع، في 3 ثانوى جبت 50%، وكنت مبسوط أوى بس مفيش أي حاجة قابلت مجموعى، وفى يوم روحت مع صديقى افتتاح عمر الخيام، وكان فيه كل الفنانين فريد شوقى ورشدى أباظة واتصورت معاهم ومعايا الصور لحد دلوقتي».

وتابع: «بعد الافتتاح شفت المعهد العالى للفنون المسرحية وقدمت فيه، واللجنة كان فيها سعد أردش وحمدى غيث وكمال ياسين، وقدمت مشهدا في هاملت ونجحت، تانى دفعة كان فيها نور الشريف، وكان اسمه جابر، وبدّل اسمه حبا في عمر الشريف، وكان اسمى بيتكتب قبل فاروق الفيشاوى في المسرحيات على مسرح الطليعة، وكان أول فيلم ليا فيلم الكيف وبعد كده توالت الأفلام».

وتابع: «مبحبش المسرح لأن كنت اسمع فنان حد قريبة مات فى نفس يوم عرض المسرحية ومثل قدام الناس أنا مقدرش إحساسي كده لأن كان لازم المسرح يفتح يوميًا للعروض، ومحمد صبحى دائمًا يقولى المسرح بيحبك وأنت بتكرهه ويوم ما والدتي اتوفت كان يوم تلات إجازة المسرح ومحمد صبحي قالى أمك بتحبك».

وأضاف: «في منتج جالي قالي عاوز أعمل منك بطل فيلم عبد الله يتحدى الإنترنت وقلتله بعد كده هنعمل إيه لو نجح، قال نفكر، قلت له الأستاذ عادل إمام يفكر والأستاذ محمد صبحى يفكر دول يفكروا لكن أنا مفكرش أنا اقدم الدور وأمشي».


الكلمات المتعلقة‎


مواضيع ممكن تعجبك