تستمع الآن

فنانون يدعمون الأهلي قبل مباراته أمام بايرن ميونخ: «مفيش مستحيل في الكرة واللي يقلق هم مش احنا»

الإثنين - ٠٨ فبراير ٢٠٢١

دعم عدد من نجوم الفن النادي الأهلي المصري قبل مباراته الليلة في الثامنة مساءً أمام نادي بايرن ميونخ الألماني في نصف نهائي بطولة العالم للأندية المقامة في قطر.

وعبر الفنان أحمد السعدني عن قدر المباراة الكبير بين ناديين عملاقين، وكتب على «تويتر»: «ده ماتش مش موجود في البلايستيشن حتي، استرها علينا يا رب، الأهلي».

ووجه الفنان كريم فهمي رسالة للاعبي الأهلي عبر «تويتر»، قائلا: “«احلموا.. ليه الحلم ميتحققش.. مفيش مستحيل في الكرة، كسبنا إيطاليا بطل العالم، احرجنا البرازيل، كسبنا ريال مدريد.. ممكن لو لعبنا ١٠٠ ماتش نكسبهم واحد من المية، ليه مايكونش ده هو الماتش اللي من الميه، اعملوا تاريخ جديد، على الحلوة والمرة معاك مع إن المرة ديه مفيش مرة.. بحبك يا أهلي».

وكتب الفنان نبيل الحلفاوي أيضًا عبر «تويتر»: « واحنا نقلق من إيه؟ أصل مفيش غير احتمالين.. إما النتيجة المتوقعة مقدما وإما المفاجأة. الاحتمال الأول طبيعي للفريقين.. الاحتمال الثاني اللي يقلق منه البايرن مش احنا. البايرن ينتظر العادي أو الصدمة. الأهلي ينتظر العادي أو الفرحة. قلقنا احنا هيبقى من الماتش  اللي بعده».

كما نشر الفنان مصطفى شعبان عبر حسابه على «تويتر»: «معاك يا#اهلى #قد_التحدى».


الكلمات المتعلقة‎


مواضيع ممكن تعجبك