تستمع الآن

صاحبة صوت أغاني «لؤلؤ»: «المسلسل فرصة عمر ما كنتش أحلم بيها»

الأربعاء - ٢٤ فبراير ٢٠٢١

أعربت المطربة نور عبد السلام، صاحبة صوت أغانى «لؤلؤ» عن سعادتها بالعمل في المسلسل.

وكتبت عبر حسابها على «إنستجرام»: «من الرائع أننا نكون فى بلد عندها قدرة على إنتاج محتوى ترفيهى محترم جدا، مسلسل لؤلؤ فعلاً يخلينا كلنا فخورين بيه وبإنتاجه وبمخرجنا العزيز محمد سامى وبطلة العمل الممثلة الكبيرة الجميلة مى عمر، اللى دايما مجتهدة وناجحة بأعمال متميزة وأدوار مختلفة».

وأضافت: «مسلسل لؤلؤ بصراحة بينقل الإنتاج الدرامى فى مصر لمنطقة تانية خالص وجديدة ومتميزة، أنا كان ليه الشرف إن المخرج الكبير محمد سامى يقف جنبى ويشرفنى بأنى أغنى فى المسلسل لؤلؤ، بصراحة أنا عاجزة عن شكر المخرج محمد سامى إنه آمن بيا من أول يوم وآمن بصوتى وموهبتى وادانى فرصة زى دى، طول عمره معروف عنه إنه بيقف جنب المواهب ويساعدهم وكان ليه الشرف انه يقف جنبى».

وأوضحت: «مسلسل لؤلؤ فرصة عمر مكنتش أحلم بيها وسعيدة جدا ان ربنا كتبهالى، ويارب دايما أكون عن حسن ظن الناس فيا وأكون دايما بقدم حاجة تضيف لأى عمل حتى لو حاجة صغيرة، بشكر جدا كل من وقف وهيقف جنبى عشان أحقق حلمى، وبشكر كل الناس اللى دعمت الفترة اللى فاتت سواء بـ شير أو مسج أو بوست فى حقى».

مسلسل «لؤلؤ» بطولة مى عمر وأحمد زاهر ونرمين الفقى وإدارد ونجلاء بدر، وعدد آخر كبير من الفنانين، سيناريو وحوار محمد مهران، وإنتاج شركة سينرجى، إخراج محمد عبد السلام.


الكلمات المتعلقة‎


مواضيع ممكن تعجبك