تستمع الآن

بعد حفلها الغنائي الأول.. لقاء الخميسي: «بلاش تنمر.. واللي شايف صوتي وحش ما يجيش»

الإثنين - ١٥ فبراير ٢٠٢١

وجهت لقاء الخميسي رسالة للجمهور بعد حفلها الغنائي الأول في ساقية الصاوي قبل أيام، داعية الجميع لعدم التنمر بالآخرين ودعم أصحاب المواهب.

وأوضحت في تصريحات لـ«في الفن»: «يا جماعة بلاش تنمر، خلوا خلق الله لله، أنتي عاوزة تعملي حاجة وأنا مش عاوزاها، ما أشوفهاش، انا دلوقت عاوزة أغني وأنتي شايفة صوتي وحش ما تجيش».

وعن هدفها من التحول للغناء من التمثيل، قالت: «الهدف عندي من سنين بس جت كورونا عطلتها، بس الحلم الأساسي يكون معايا فرقة ونغني حفلات على المسرح مش إني أنزل ألبومات».

وقدم حارس مرمى نادي وادي دجلة، محمد عبد المنصف الدعم لزوجته لقاء الخميسي في أول حفل لها بحضوره بعد الانتهاء من مباراة فريقه في بطولة كأس مصر.

وقال «عبد المنصف»: «دي رسالة إن لو حد عنده طاقة وحلم لازم يشتغل عليه ويعمله لأن فيه حاجات كتير بتبقى جوانا ومش بنحس بيها وشايفين إنها مخنوقة ومحتاجة تطلع ولما تطلع بنحس بيها ونشوف الموهبة».

وعن مواهب زوجته الجديدة قال: «بقالها فترة مهتمة بالرسم وبقت شاطرة فيه أوي، وموضوع الغنا ابتدت تعمل بروفات وتغني»، مؤكدًا «كان لازم أحضر أول حفلة ليها وأكون داعم ليها، وبشكرها عالأداء اللي قدمته والجاي أفضل بإذن الله».


الكلمات المتعلقة‎


مواضيع ممكن تعجبك