تستمع الآن

إنجي علاء تعلق على الجدل حول إخفاء وجوه ابنيها في صور عيد ميلادهما: «مش حابة أقتحم خصوصياتهم»

الثلاثاء - ٢٣ فبراير ٢٠٢١

ردت الكاتبة والسيناريست إنجي علاء على الجدل والهجوم الذي صاحب نشرها صور ابنيها عبد الله وعبد الرحمن من عيد ميلادهما بوجوه مخفية.

وقالت إنجي علاء في مداخلة هاتفية لبرنامج «حديث القاهرة» مع الإعلاميين خيري رمضان وكريمة عوض: «كل سنة بحط القلوب دي، بلاقي ناس كاتبين حسد وكده، لكن كنت قريت مرة إن السن القانوني للسوشيال ميديا للأطفال من سن 13 سنة، فما كنتش حابة أقتحم خصوصياتهم إن وشهم يكون معروف وكده ولما يكبروا يحسوا إنهم مش عاوزين كده، وإن هم يقدروا يحددوا صح من سن 13 سنة، وما كنتش حابة إني أجبرهم على كده».

وأضافت: «أنا لو بينت وشهم بلغة السوشيال ميديا يقول لك أنت هتاخد لايكات وكومنتس أكتر، لكن أنا كل همي إنه ما يكونش على حساب إني أقتحم خصوصياتهم».

واحتفلت السناريست إنجي علاء وزوجها الفنان يوسف الشريف قبل أيام بعيد ميلاد ابنيهما عبد الله وعبد الرحمن الحادي عشر، وكتبت إنجي علاء: «كل سنة وانتوا طيبين حبايبي ربنا يحفظكم ويخليكم لينا انتوا وجنى»، فيما كتب والدهم الفنان يوسف الشريف: «‏انهارده عيد ميلاد عبدالله وعبدالرحمن ربنا يحميهم ويبارك فيهم هما واختهم ومامتهم».

وأثارت الصور التي نشرتها إنجي علاء لابنيها الجدل، بسبب إخفائها وجوههم فيها، حيث علق متابعون بأنها إن كانت تخشى عليهم من الحسد فلماذا تنشر الصور من الأساس.


الكلمات المتعلقة‎


مواضيع ممكن تعجبك