تستمع الآن

فادية عبدالغني عن غيابها: «شكلي معمولي عمل على قرموط بيجري في البحر» (فيديو)

الأحد - ١٠ يناير ٢٠٢١

شددت الفنانة الكبيرة فادية عبدالغني أن غيابها عن الساحة الفنية يأتي لعدم عرض أعمال جيدة عليها مقارنة بتاريخها في الدراما المصرية.

وقالت فادية عبدالغني، في تصريحات تليفزيونية: “غيابى عن الساحة الفنية مش ذنبى، أنا موجودة وأعمالى بتتذاع وشغلى مالى القنوات، وأعمالى رغم إن عدى عليها سنين وعمر كبير إلا أنها ليها تأثير كبير على الجمهور وبتتشاف”، وأضافت مازحة: “الظاهر معمولي عمل على قرموط بيجري في البحر”.

وأشارت:  “كل سنة بيتعرض عليّ حاجات، وأنا بعتبر نفسى عملت حاجات كويسة ربع صفحة في تاريخ  الفن، ومش عاوزة أبوظ أو أقلل من قيمة اللى عملته، لأن كل اللى بيتعرض عليا بحس إنى داخلة (فسوخة) في الحكاية وخلاص، لأن أنا أعتقد إن عندى قدرة كويسة إنى اتحط في المكان المناسب”.

ووجهت فادية عبد الغني رسالة للمنتجين، قائلة: “الحقونا هتندموا.. كورونا هتاخدنا واحد وراء التاني”.

أما عن قضائها فترة الحجر الصحي أثناء فترة كورونا، قالت الفنانة القديرة إنها تستغل وقتها في مشاهدة الأفلام وبخاصة القديمة منها والدندنة مع الأغاني لافتة إلى أن أحفادها كانوا يعانون من المكوث في المنزل في ذلك الوقت.

وعن رفضها دخولها عالم الفن، أوضحت: “أنا بسيب عيالى بحريتهم، بس رفضت دخول ابنتى في التمثيل لأن طريق الفن مش سهل، وأنا كنت بربيها لوحدى وخوفت تدخل في المجال ومش هاقدر أتابع معاها على طول، فقلت تتجوز وتقعد في البيت أحسن، غير إنها بتتكسف وخجولة”.

يذكر أن فادية عبد الغني تغيبت عن الدراما منذ آخر مشاركتها في مسلسل “الحلال” في رمضان 2017 مع سمية الخشاب، وبيومي فؤاد، ويسرا اللوزي، ودينا فؤاد، ومها أحمد، وهو من تأليف سماح الحريري، ومن إخراج أحمد شفيق، ومن إنتاج صادق الصبّاح.


الكلمات المتعلقة‎


مواضيع ممكن تعجبك