تستمع الآن

إيناس مكي تتحدث لأول مرة عن شقيقها أحمد مكي.. وقصة زواجها لمدة 6 أشهر

الخميس - ٢١ يناير ٢٠٢١

تحدثت الفنانة إيناس مكي عن شقيقها الفنان أحمد مكي للمرة الأولى، وعلاقتهما معًا وحُبهما للفن بخلاف باقي أشقائهما.

وقالت إيناس في تصريحات تليفزيونية: «أنا لم أدرس فن لكن انبسطت أن أحمد درس في معهد السينما قسم إخراج، ربنا يحميه ويبعد عنه العين هو حالة لوحده، إذا شاءت الأقدار ممكن نعمل دويتو كويس، مكي متردد وأنا أكبر منه بـ7 سنين مش هينفع أكون حبيبته وفكر يجبني مامته وقال حرام إيناس مامتي».

وتابعت: «لو جاءت فرصة ورق وكان فيه دور لايق عليّا هنمثل مع بعض وماما هي مصدر الكوميديا بتاعتنا».

كما حكت عن عائلتها في البرنامج، قائلة: «إحنا أتربينا في أبوظبي، وبابا جزائري وهو اللي بنى وزارة الإعلام والثقافة في أبوظبي، وإحنا أتربينا أن بابا في الوزارة بيرجع بعربية الوزارة ومعاه كتب ودي حاجه أثرت فينا كلنا».

واستطردت: «بابا هو اللي بيكتب تقارير عن الكتب هل كتب ضد الدين ولا السياسة، بابا علّامة الله يرحمه، فكان يدينا فرصة نقرأ وحتى لو الكتاب ممكن وفيه كلام مش مظبوط، فكان يسيبنا نقراه ويقولنا تيجوا تتناقشوا معايا فيه مايمنعناش».

واختتمت كلماتها: «لينا 5 أخوات (طارق مكي) الكبير دكتور في الهندسة الوراثية في فرنسا وماخرجش بره فرنسا وعايش هناك و(عزة) هي الأكبر مني و13 سنة في فرنسا عشان تأخد دكتوراه في الطاقة النووية، وبعدين أنا وأحمد مكي (الممثل) وعبدالعزيز مكي أصغرنا وهو مهندس ديكور».

كما تطرقت للحديث عن حياتها الشخصية، بعد سنوات من الغياب عن الإعلام، لافتة إلى أنها تزوجت مرة واحدة ولم تستمر طويلًا.

وقالت: «اتجوزت زي كل البنات ما بتتجوز، اتجوزت أخر 2005 وأطلقت بعد 6 شهور، هي أمر واقع طلبت منه الطلاق دون مشادات وكان فيه قصة حب قبلها، أنا فضلت أحبه بنفس الحنية والرأفة قبل الجواز زي بعد الجواز، لكن لقيت بعد الجواز فجأة الحكاية بالنسبة له بقت أمر واقع، بتعملي إيه وفينك وماقلتيش وقولتي..».

وتابعت: «أنا صارحته، وسألته: أنت صاحب مصانع ملابس حريمي يعني تعاملاتك مع ستات، أنا في حياتي كلها جتلك مكتبك من غير تليفون، أو عمري سألت مين دي اللي بتكلمك، قلت له: أنت معصبني أنا ليه ومافيش هدوء نفسي ومكهربني ليه، ووصلت أن أنا أتحرر من الضغط العصبي، ولما قلت له: همشي وواجهته بدأ يتعدل ويبقى (جينتل) أكتر من الأول، والموضوع استفزني لما أتغير لما قلت له، ويقين مني أن الطبع مابيتغيرش».

يذكر أن «مكي» بدأت كفتاة إعلانات، لمعت في دور «الخواجاية» في مسلسل «لن أعيش في جلباب أبي»، ومن المسلسلات التي عملت بها «الحلم والألم»، و«عالم يا هووه»، وعملت بالمسرح في مسرحية «جنون البشر»، وأخر الأعمال الدرامية التي شاركت بها الجزء الثالث في مسلسل «نصيبي وقسمتك»، عام 2019.


الكلمات المتعلقة‎


مواضيع ممكن تعجبك