تستمع الآن

نيللي كريم عن تحضيراتها للمهرجانات: نعيش مأساة أثناء اختيار «جزمة وفستان» لحضور أي مهرجان (فيديو)

الخميس - ١٧ ديسمبر ٢٠٢٠

وصفت الفنانة نيللي كريم، تحضير الفنانات لإطلاتهن بالمهرجانات السينمائية، بـ«المأساة» بالنسبة إليهن، لأن الإطلالة لا تشمل الفستان الذي سترتديه فقط، لكن هناك «الجزمة والشنطة والشعر والمكيب».

وقالت نيللي، في تصريحات تلفزيونية: “تحضير المهرجانات ده بجد مأساة، لأن لازم ميكب وكوافير وفستان وجزمة وإكسسورات”.

أوضحت، أنها لا تبذل كل هذا المجهود أثناء تصوير أعمالها، متابعة: “الشخصية اللي بعملها بيبقى مفيهاش مجهود، مبتحطش مكياج ومنكوشة”.

وعن تصميم الفستان الذي ارتدته في حفل ختام مهرجان القاهرة السينمائي الدولي في دورته الـ 42، قالت: “كنت قلقانة، بس الفستان كان تحفة، أنا حبيته قوي، وسارة المصممة تعبت لأن أنا علشان بحب الخياطة وبحب التصميم، فدائما تلاقيني مزعجة، أنا عارفة أنا مزعجة في التصميم والميكب وبعترف وبقولهم أنا غلسة استحملوني”.

وأردفت: “بس اتبسطت، كان مجهود بس هو عموما حتى الريد كاربت فيه تعب، الناس دي كلها اللي بتمشي على الريد كاربت وبتنقي الفستان اللي يليق عليها والمشكلة إنك لبستيه مرة مينفعش تلبسيه تاني ولا شبهه ولا زيه، فكل مرة المصمم اللي بيشتغل بيتعب لأنه مش بس لازم يعمل فستان شكله حلو لا ده لازم يفكر في الموديل إنه ميبقاش متكرر ومتبقاش النجمة لبسته قبل كده ولايق عليها ولو فيه عيوب في الجسم بيفكر يداريها إزاي، فهي كأنك رايحة عند دكتور”.

واستطردت: “أول مرة أتعاملت مع سارة مصممة فستاني الأخير بمهرجان القاهرة، كنت بعمل جلسة تصوير لمجلة، ومكنتش محضرة هما اللي كانوا جايبين الفساتين، واللي لفت نظري ساعتها إن الفينش بتاعهم حلو، فسألتهم مين صاحب الشغل ده، قالوا لي دي بنوتة مصرية اسمها سارة أونسي، قلت لهم أنا عايزة أكلمها أشكرها وأقولها برافو على اللي أنت عاملاه، لأن معظم الفساتين للأسف بتشوفيها حلوة على الشكل لكن داخله مأساة”.

 

View this post on Instagram

 

A post shared by Nelly Karim (@nellykarim_official)


الكلمات المتعلقة‎


مواضيع ممكن تعجبك