تستمع الآن

ريهام سعيد بعد أزمة «صيد الحيوانات»: «أطلقنا سراح الثعلب بعد رعايته.. وتعذيب حيوان ما بيجيبش مشاهدات»

الثلاثاء - ١٥ ديسمبر ٢٠٢٠

اعتذرت الإعلامية ريهام سعيد في أولى حلقاتها بعد أزمة حلقة صيد الحيوانات التي تسببت في إيقاف برنامجها «صبايا الخير».

وقالت ريهام سعيد في بداية الحلقة: «اتعودت طول عمري إن أنا أتكلم من القلب للقلب، وبقالي 18 سنة بطلع ومعاييش ورقة وقلم، ودايمًا معتمدة على إن اللي يطلع من القلب بيدخل القلب، أنا أكيد مش راجعة بعد سنة علشان أعمل مشاكل ولا أقدم حاجة مستفزة، دايمًلا عندي رسالة إني أقدم حاجة مفيدة، ممكن تكون طريقتي مختلفة أو مش واصلة أو فيه حاجات بتتألف لكن النية واللي بيتعمل إننا نفيد الناس ونقدم ما هو ممتع ومفيد في نفس الوقت».

وأكدت: «اعتذار لأي حد اتضايق.. لجمعيات الرفق بالحيوان لأن يمكن هي دي غلطتي فعلًا إني ما ركزتش إن ممكن يكون موضوع الصيد أساسًا بيضايق الجمعيات دي، ولأن مجرد إنكم اتضايقتم يبقى أنا عملت حاجة غلط».

وأضافت: «أنا حتى لو ست وحشة أو ما عنديش رحمة مش هجيب حيوان على الشاشة علشان أكسب مشاهدة، مين قال إن تعذيب حيوان بيجيب مشاهدة، بالعكس أنا همثل إني رحيمة»، مشيرة إلى: «فيه فيديو عن التعلب وأحنا بنطلق سراحه لأن اللي خلينا ناخده إنه لقينا فيه حشرات فخدناه أكلناه وشربناه وشيلنا الحشرات منه وسيبناه، ولا فيه رجل اتكسرت ولا فيه حاجة، وماكانش متألم من أي حاجة».

وأوصت لجنة الشكاوى بالمجلس الأعلى لتنظيم الإعلام، إلزام الإعلامية ريهام سعيد بالاعتذار والموافقة على إعادة بث برنامج صبايا الخير.

وكان المجلس الأعلى لتنظيم الإعلام اكد من قبل أنه بحث الشكاوى المقدمة ضد برنامج «صبايا الخير» المعروض على قناة النهار فى ضوء ما ورد بالحلقة الخاصة بصيد الثعالب، وقرر المجلس وقف البرنامج لحين انتهاء التحقيقات مع مقدمة البرنامج والممثل القانونى لقناة النهار.


الكلمات المتعلقة‎


مواضيع ممكن تعجبك