تستمع الآن

بعد قرار عودة برنامجها.. ريهام سعيد: «وعد مش هانغلط تاني سامحوني»

الأربعاء - ٠٩ ديسمبر ٢٠٢٠

اعتذرت الإعلامية ريهام سعيد بعد قرار المجلس الأعلى للإعلام بعودة برنامجها «صبايا الخير» بعد وقفه بسبب حلقة صيد الثعالب.

وقالت ريهام سعيد على «إنستجرام»: «علي اد ما زعلت اني اتهاجمت و اتجرحت كتير فرحت اوي ان ناس كتير بقت رحيمه بالحيوانات حتي لو مفترسه و خطر علي البني ادم . انا بعتذر علي اي مشهد في اساءه لاي حد و خصوصا الناس المهتمه بالرفق بالحيوان . بعتذر اني تسببت في اي الم لاي حد فيكوا لكن لازم تكونوا متاكدين ان اشتغلت و اجتهدت وتعبت لمده ١٨ سنه و اكيد مش محتاجه اي شهره ولا مشاهده . الهدف الوحيد هو تقديم محتوي محترم صادق و مفيد».

وتابعت: «كنت عايزهاسلط الضوء علي مهنه الصيد الي موجوده في كل انحاء العالم بمميزاتها و عيوبها حبيت اقدم الحقيقه و ازود معلومه جديده لان هي دي نيتي بس انا مش بشتغل في مهنه الصيد و لا يمارسها لكن هي موجوده .. اي اتهامات انا هارد عليها الحلقه الجايه لكن المهم دلوقتي ان محدش يزعل مني لان اكيد كل الي اتقال ده مش حقيقه . انا عايزه اعيش في سلام و كفايه مشاكل . نفسي الي بيهاجموا و عمرهم ما اتفرجوا علي البرنامج يبتدوا يتابعوا يمكن تشوفوا اد ايه بنتعب و اد ايه حريصين ان احنا نقدم احسن حاجه».

وأكدت «انا اسفه مره تانيه و المره الي جايه هاحط في الاعتبار ان ساعات الحقيقه ممكن تجرح بس طلب اخير لما تلاقوا غلط انصحوا و صلحوا و ماتجرحوش لان اكيد الي رحيم بالحيوان هايكون اكيد رحيم بالبني ادم الي هو ربنا حطه في اعلي مرتبه . انا انسانه و اكيد الحكم عليه انا و عيلتي بالاعدام كل شويه مش عدل خصوصا ان طول الوقت في سوء تفاهم و لكن بيكبر نتيجه المشاهده العاليه . بتعرض لهجوم و اساءه رهيبه من غير ما حد حتي يعمل اعتبار لاولادي او امي . من دلوقتي لازم نفهم اد ايه احنا بنتشاف و لازم نكون اد المسؤليه و حتي لو لينا اعداء متربصين . امشي عدل يحتار عدوك فيك . وعد مش هانغلط تاني سامحوني».

وأوصت لجنة الشكاوى بالمجلس الأعلى لتنظيم الإعلام، الزام الإعلامية ريهام سعيد بالاعتذار والموافقة على إعادة بث برنامج صبايا الخير.

وكان المجلس الأعلى لتنظيم الإعلام اكد من قبل أنه بحث الشكاوى المقدمة ضد برنامج “صبايا الخير” المعروض على قناة النهار فى ضوء ما ورد بالحلقة الخاصة بصيد الثعالب، وقرر المجلس وقف البرنامج لحين انتهاء التحقيقات مع مقدمة البرنامج والممثل القانونى لقناة النهار.


الكلمات المتعلقة‎


مواضيع ممكن تعجبك