تستمع الآن

«أنا في حال أفضل وأشعر بالراحة».. مي فخري تتحدث عن سبب اعتزالها التمثيل وارتداء الحجاب

الأربعاء - ٠٢ ديسمبر ٢٠٢٠

روت الفنانة المعتزلة ​مي فخري السر الذي دفعها إلى اتخاذ قرار اعتزال التمثيل وارتداء الحجاب.

وقالت مي عبر فيديو عبر حسابها على إنستجرام، يوم الأربعاء: “بعيدا عن الناحية الدينية تماما ومش هندخل فيها وأنا هتكلم بشكل منطقي الحمدلله ربنا أتم خلقي كاملة ومعنديش مشكلة وأدانى نعم كثيرة مش عارفة أقول إيه ولا إيه وهو أدانى أنا النعم مش عشان الناس تتبسط بيها وهى نعم حبيت أحافظ عليها ودلوقتى أنا في حال أفضل بكثير وأشعر بالراحة”.

وأضافت: “أنا دلوقتي عندى إحساس إنى أحسن، ومش متقيدة خالص أو أن شكلى مش حلو.. بالعكس مبسوطة أكتر من الأول بكتير وبلبس كل اللي أنا عاوزه بشكل محتشم ويليق مع الحجاب”.

وتابعت “نفسيًا بقيت أحسن بخرج في الشارع أحسن ومفيش حد بيبص عليا النظرة اللي كل البنات عارفاها ويبقى نفسها الأرض تتشق وتبلعك.. الحمدلله مبقاش يحصل ومش بأخذ ذنب ناس مش قادرة تبص في الأرض أو مش قادرة تغض بصرها.. مبقاش يتبص عليا ومبقتش أتضايق لما أخرج كل حاجة بقت أحسن.. ربنا اداني نعم وأنا بحافظ عليها”.

 

View this post on Instagram

 

A post shared by May Fakhry (@mayfakhry)

كانت مى أعلنت ارتدائها الحجاب في سبتمبر الماضى، وحذفت كل صورها على إنستجرام وبدأت فى نشر فيديوهات ترتدى غطاء على رأسها ونشر أدعية دينية.

مى ممثلة وعارضة الأزياء من مواليد القاهرة، حققت شهرة ونجاحًا كبيرًا كموديل في مجال عرض الأزياء، وأصبح النجاح بوابتها لدخول عالم التمثيل، أول تجاربها في السينما فيلم “عمر وسلمى 3″، وبعدها شاركت فى العديد من الأعمال بالدراما والسينما منها “مسلسلات “من الجانى” و”نصيبى قسمتك” و”هبة رجل الغراب” و”بيت السلايف” و”حكايات بنات 3″ و”البيت الكبير” الجزء الأول والثانى وكذلك “أفراح إبليس” الجزء الثانى.

كما شاركت مى فى أكثر من فيلم مثل “البار” و”فصح ملح وداخ” مع عمرو عبد الجليل” وهبة مجدى، و”تصبح على خير” مع تامر حسنى ونور ودرة ومى عمر، واخيراً “دماغ شيطان” مع رانيا يوسف وباسم سمرة والذى تم عرضه هذا العام.


الكلمات المتعلقة‎


مواضيع ممكن تعجبك