تستمع الآن

هنا الزاهد تدافع عن زوجها أحمد فهمي بعد الانتقادات ضده بسبب هجومه على «شيكابالا»

الأحد - ٢٩ نوفمبر ٢٠٢٠

دخلت الفنانة هنا الزاهد على خط أزمة زوجها الفنان أحمد فهمي وهجومه على محمود عبدالرازق “شيكابالا”، لاعب الزمالك، وتضامنت معه بعد الهجوم الكبير الذي تعرض له بسبب انتقاده شيكابالا بعد مباراة الأهلي والزمالك في نهائي دوري أبطال أفريقيا.

وكتبت هنا عبر حساباتها على السوشيال ميديا: “بعيدا إن شهادتي في مجروحة لأن الناس هتقول بقول الكلام ده عشان جوزها، أنا لا بفهم في الكورة ولا بتفرج عليها بس بشوف قد إيه الإنسان ده بيحب يكون عفوي وبينسى إنه ممثل وبيتعامل مع كل الناس بكل ذوق حتى في الشارع وفي التصوير وفي كل مكان والناس اللي عارفاه عارفين ده كويس”.

وأضافت: “أنا عارفة إنه الناس بتفضل تقول لأ ده ممثل مينفعش يقول رأيه، بس للأسف الإنسان ده بينسى وبيخسر من كتر ما هو اللي في قلبه على لسانه ومش بيحب ينافق ولا بيرضي حد عشان يكسب جمهور زي ما ناس كتير بتعمل كده”.

وتابعت: “لما بيكتب رأيه بيكتبوا على أكونت فيسبوك اللي في صحابه زيه زي أي حد أهلاوي بس للأسف بتطلع أخبار بالكلام اللي بيقولوا عموما أنا عايزة أقولك إنك قلبك طيب وعفوي بزيادة وبتقول اللي جواك من غير ما تحسبها عشان بتنسى إنك ممثل أصلا، بس الأيام دي مينفعش تبقى كده للأسف، واعمل اللي يريحك لأنك إنسان وإحنا كده كده بنحبك جدا”.

شيكابالا

ليرد عليها أحمد فهمي في تعليق: “أنت أكتر واحدة عارفانى ومعاشرانى.. بس والله أنا خلاص مش فارق لي حاجة أصلا”.

أحمد فهمي

واستمرت العديد من التراشقات، منذ يوم الجمعة، على حسابات السوشيال ‏ميديا بين بعض مشجعي الفريقين، ولكن سرعان ما تحولت إلى بعض ‏المشاهير الذين أصبحوا طرفًا فاعلًا فيها‎.‎

ومن بين هؤلاء الفنان أحمد فهمي، المعروف بانتمائه لجمهور الأهلي، ‏الذي قدّم في البداية اعتذارًا لقائد نادي الزمالك محمود عبدالرازق ‏شيكابالا بعد تعرضه لسخرية وهجوم من بعض جمهور الأهلي‎.‎

وكتب فهمي، عبر حسابه الشخصي بموقع “فيسبوك”: “رغم خلافي ‏الشديد معه، ومفيش صلح لا من قريب ولا من بعيد بيني وبينه، لكن ‏موضوع الكلب والفيديو ده حاجة عنصرية جدا الصراحة ومنظر بشع، ‏إحنا جمهور كبير ومحترم وبنقول على الغلط غلط حتى لو طالع من ‏عندنا، الاعتذار عن اللقطة دي واجب، بعتذر لك.. لكن موقفي منك لن ‏يتغير”، حسب قوله‎.‎

كانت مشادة حادة نشبت بين أحمد فهمي وشيكابالا في شهر أكتوبر ‏الماضي، خلال تواجدهما في حفل زفاف شريف منير حسن، عضو ‏مجلس إدارة نادي الزمالك السابق، بعدما قام “شيكا” بسب جمهور ‏الأهلي‎.‎

لكن الفنان أحمد فهمي أعلن مجددًا عبر حسابه على “فيسبوك” تراجعه ‏عن الاعتذار الذي قدمه لنجم نادي الزمالك، معللًا ذلك بصورة قديمة ‏نشرها شيكابالا اليوم على “استوري” حسابه الشخصي، واعتبرها ‏الأخير مُسيئة لجمهور الأهلي‎.‎

على جانب آخر تضامن عدد من نجوم الفن مع لاعب الزمالك عقب تداول فيديو لمجموعة من جماهير الأهلي وهي تزف كلبًا أسود وألبسته قميصًا أبيض وسط الهتاف باسم شيكابالا.

كان وزير الشباب والرياضة وعدد من الشخصيات العامة والإعلاميين ‏طالبوا مستخدمي مواقع التواصل الاجتماعي من مشجعي الأهلى ‏والزمالك بالتحلي بالروح الرياضية، وعدم التجاوز في حق الآخرين، ‏وخلق حالة من الدعم للفريقين فى إطار من التشجيع المثالى؛ لنضرب ‏نموذجاً يحتذى به أمام مختلف الدول التي تحرص على متابعة أجواء ‏ختام البطولة الأكبر على مستوى القارة الأفريقية فى كرة القدم.‏

وتوّج النادي الأهلي بلقب دوري أبطال أفريقيا، مساء الجمعة، بفوز مثير تحقق على حساب الزمالك بهدفين مقابل هدف وحيد في اللقاء الذي جمع الفريقين على ملعب “استاد القاهرة”.


الكلمات المتعلقة‎


مواضيع ممكن تعجبك