تحدثت الفنانة نشوى مصطفى، عن فترة إصابتها بفيروس كورونا، موجهة في الوقت نفسه رسالة إلى الشعب المصري بعد شفائها.
وقالت نشوى في تصريحات تليفزيونية، مساء السبت: “أبوس إيديكم لو بتحبوا ربنا وبتحبوا ولادكم اتقوا شر الألم اللي أنا حسيت بيه، حافظوا على نفسكم علشان أولادكم وأكل عيشكم كلنا على باب الله”.
وأضافت: “كلنا على باب الله وماشيين بالأرزاق عشان أكل عيش ولادكم مش هينفع لو إنت عامل أو صنايعي ترقد، حافظ على نفسك أرجوك بالكمامة، كمامة تمنها 3 جنيات هتحافظ عليكم وهتخليك لبيتك وأولادك”.
وأوضحت: “درجة الحرارة وصلت لـ39 وشعرت بألم لم يحدث لبشر، وتكسير عظام غير طبيعي، وكأن زجاج مهشم يسرى في عروقي، وتوجهت للطبيب وطلب مني آشعة مقطعية على الصدر، وبعد أن ظهرت النتيجة، أكد لنا الطبيب أنني مصابة بفيروس كورونا من الدرجة الثالثة من أصل 5 درجات للإصابة وهي درجة مرتفعة، ودرجة حرارتي لم تنخفض رغم الأدوية ولكنها، وشفتي بدأت تأخذ اللون الأسود بعد أن قل الأكسجين في الجسم”.
تابعت: “أنا كان معايا فلوس بس مفيش مستشفى كانت عاوزة تقبلني من المستشفيات الخاصة، لكن مستشفى بلدي العامة الحكومية قبلتني أنا عندي فلوس وربنا ساترني بس مكنتش بقدر أحط في بقي لقمة، الفلوس مش مهمة لما تبقى معاكي ومفيش مستشفى راضية تقبلك أو قادرة تاكلي حتى، الصحة يا جماعة أهم من أي حاجة في الدنيا، والنبي ماتستهونوا، كورونا دي صعبة جدًا أصعب من ألم الولادة”.
وتابعت: “أنا أهملت واتكسفت من لبس الكمامة وماتسلموش على حد بإيديكم وحافظوا على التهوية والتباعد والتغذية، كلوا برتقانة وحزمة جرجير أو جوافة وحتة جبنة قريش دي نصايح الدكتور حافظوا عليها عندنا الحاجات دي رخيصة، إحموا نفسكم مع الكمامة”.
وشددت: “الفيروس تمكن من الرئة بالكامل، وانتشر وتكاثر، وكادت روحي أن تُزهق، ولولا اهتمام أطباء وطواقم التمريض برعايتي، والأطباء المواجدين محبوسين داخل المستشفى ولم يدخروا أي جهد للمساعدة في إنقاذ الناس، ويمكثون فيها لمدة تتجاوز الـ 14 يوم دون أن يرون أهلهم، والمسحة الأخيرة ظهرت سلبية، والطبيب أكد لي أنه إعجاز”.
مواضيع ممكن تعجبك
