تستمع الآن

مصطفى درويش عن تصريحات كاملة أبو ذكري: «الموضوع اتلم».. ودنيا ماهر: «هبقى مبسوطة لو اتغريت شوية»

الأربعاء - ١٨ نوفمبر ٢٠٢٠

علّق بطلا مسلسل «بـ100 وش» مصطفى درويش ودنيا ماهر على تصريحات مخرجة العمل كاملة أبو ذكري التي اتهمت بعض نجوم المسلسل بالغرور.

وقال مصطفى درويش لـ«ET بالعربي» على هامش مهرجان الفضائيات العربية: «كاملة القائد بتاعنا، تنتقد تعمل اللي هي عاوزاه براحتها يعني، الناس عارفاني ماليش في الحتة دي خالص، والموضوع أنا ما كنتش فيه الحمد لله، والموضوع اتلم يعني، بس هو من زعلها علينا وعاوزة تخلي النجاح بتاعنا ليه هيبة والناس ما تزعلش مننا».

كما علقت الفنانة دنيا ماهر قائلة: «أنا شخصيا هبقى مبسوطة لو اتغريت شوية، حاجة كويسة بالنسبة لي، لكن أظن إنه كان سوء فهم لأنها رجعت قالت تصريحات مختلفة، والأستاذة كاملة تقول اللي هي عاوزاه يعني، وأنا تواصلت معاها وعرفت إنه كان سوء فهم».

كانت كاملة أبو ذكري قد انتقدت بعض أبطال مسلسل “100 وش” عبر صفحتها على “فيسبوك”، وقالت: “عرفت وسمعت واتأكدت إن بعض الممثلين المبتدئين من مسلسل بـ100 وش بعد النجاح الفظيع المريع لمسلسل بـ100 وش شافوا نفسهم والغرور سيطر على تصرفاتهم”.

وتابعت: “عايزة أقول لكم خسارة.. الغرور مقبرة الفنان زي ما قال لنا يوسف شاهينً ده أنتم لسه الناس ما تعرفش أساميكم الحقيقية وبتشاور عليكم باسم الشخصية اللي قدمتوها”.

وأكدت مخرجة “100 وش”: “الغرور ممكن يقتلكم وغرور ليه؟ أنتم مين أصلا ؟كلنا مين أصلا، دكتور مجدي يعقوب متواضع ولما تتكلم معاه بيحط راسه في الأرض مجدي يعقوب بجلالة قدره.. وربنا يهدي”.


الكلمات المتعلقة‎


مواضيع ممكن تعجبك