تستمع الآن

كاملة أبو ذكري عن تصريحاتها: «أعترف إني كنت قاسية جدًا».. ومصطفى درويش يرد

الأربعاء - ٠٤ نوفمبر ٢٠٢٠

أوضحت المخرجة كاملة أبو ذكري وجهة نظرها بعد الجدل الذي أثارته بعد اتهامها لبعض أبطال مسلسلها «بـ100 وش» بالغرور.

وكتبت «كاملة» عبر حسابها على «فيسبوك»، قائلة: «أحب أعترف إني انفعلت وكنت قاسية جدا في كلامي ولو صدر تصرفات من شخص أو اتنين خليتني أحس بالغضب ده، ده ممكن يكون نابع من قلة الخبره مع التعامل مع جمهور عريض ومع النجاح الكبير ووارد إن أي حد يتعرض للهزه دي، ولو كننت قاسية ده نابع من حبي ليهم وخوفي عليهم علشان أنا شفت وعرفت حجم موهبتهم لما اشتغلت معاهم».

وتابعت: «أتمنى إن الشخصين الي كنت بعتيهم يفهموا كلامي ويعرفوا إني مستخسرة موهبتهم، وأنا متأكدة إننهم حيفهموني لإنهم الاتنين دول تحديدا عارفين أنا قد إيه بحبهم وبقدرهم».

وعلق الفنان مصطفى درويش، أحد أبطال العمل على منشور المخرجة، قائلًا: «لما تكون المخرجة كاملة أبو ذكري يبقى في قائد بقلب شجاع، أحنا أسرة واحدة كلنا وأنتي والأستاذ جمال العدل رب الأسرة دي، كلنا فاهمين شعورك وخوفك وحبك لينا أكيد لأن القصة كلها من القلب للقلب».

وكانت «أبو ذكري» كتبت في منشورها: «عرفت وسمعت واتأكدت إن بعض الممثلين المبتدئين من مسلسل بميت وش بعد النجاح الفظيع المريع لمسلسل بميت وش شافوا نفسهم والغرور سيطر على تصرفاتهم، عايزه أقولكم خسارة الغرور مقبرة الفنان زي ما قالنا يوسف شاهين، ده أنتم لسه الناس ما تعرفش أساميكم الحقيقية وبتشاور عليكم باسم الشخصية اللي قدمتوها، الغرور ممكن يقتلكم وغرور ليه، أنتم مين أصلا، كلنا مين أصلا، دكتور مجدي يعقوب متواضع ولما تتكلم معاه بيحط راسه في الأرض، مجدي يعقوب بجلالة قدره.. وربنا يهدي».


الكلمات المتعلقة‎


مواضيع ممكن تعجبك