تستمع الآن

فيديو| بشرى تكشف تفاصيل مفاجأة خطبتها في ختام فعاليات مهرجان الجونة

الأحد - ٠١ نوفمبر ٢٠٢٠

كشفت الفنانة بشرى عن تفاصيل مفاجأة خطبتها بعد فعاليات ختام الدورة الرابعة لمهرجان الجونة السينمائي أمس الأول الجمعة.

وقالت الفنانة بشرى في مداخلة مع الإعلامي وائل الإبراشي في برنامج «التاسعة» على التلفزيون المصري: «مش بس الأستاذ خالد الصاوي ده كمان شريف رمزي عن بعد ومجموعة كبيرة من زمايلي الفنانين الللي اتفاجئت بيهم وهم بيصطحبوني من ورا المسرح بعد ما انتهيت من الكلمة بتاعتي وحضور الاحتفال، ولقيت مجموعة العمل بتاعتي بتشدني على مكان فافتكرت إن فيه حد جراله حاجة أو وقع عالسجادة الحمرا لأنه ده حصل من يومين مع منتجة أمريكية ووديتها المستشفي».

وتابعت: «أخدوني وأنا مش فاهمة إيه اللي بيحصل واستقبلني الأستاذ خالد الصاوي ولقيته بيسألني أسئلة ولقيت فيه حركة مش مفهومة بالنسبة لي، وأنا قبل كده في الكواليس كذا صحفي بيبعتولي حاجات وبقول لهم إيه الكلام الغريب ده وأنا دماغي كلها في الشغل وفي المهرجان، وخطيبي هو كمان صديق طفولة وموجود بحياتي بشكل أو بآخر وعائلتي كلها تعرفه فبالنسبة لي مفيش حاجة غريبة يعني».

وأوضحت بشرى هل تمت الخطبة رسميًا بهذا الشكل أم لا، قائلة: «هو أمبارح كده طلب رسميًا قدام الناس كلها وقدم الخاتم، وأنا كنت بهزر معاه وبغيظه إني لسه ما وافقتش يعني ،بس صعب كل المجهود والتواطؤ الحميد بتاع كل زمايلي وأصدقائي في الموضوع وعشرة العمر، صعب أقول لأ».

وانتشر مقطع فيديو للمفاجآة حيث ظهر الفنان خالد الصاوي يصطحب بشرى في ختام مهرجان الجونة، حيث احتشد حولها الفنانين والعاملين في المهرجان وهي لا تستوعب ماذا يحدث وتسأل كل من حولها عن سبب التجمع، حتى فاجأها خطيبها وسط الزحام وهو ينحني على ركبته ويقدم لها خاتم الخطوبة.


الكلمات المتعلقة‎


مواضيع ممكن تعجبك