تستمع الآن

رامي بركات: محاميَّ الخاص تلاعب بي واستولى على مقتنيات أحمد زكي

الإثنين - ٣٠ نوفمبر ٢٠٢٠

كشف رامي عز الدين بركات الأخ غير الشقيق للفنان الراحل هيثم أحمد زكي، عن عملية احتيال تم التلاعب بها عليه من قبل محاميه الخاص بلال عبد الغني.

وقال رامي بركات في مداخلة هاتفية لبرنامج «التاسعة» على التلفزيون المصري مع الإعلامي وائل الإبراشي: «لما جيت لعزا هيثم كانت أول مرة آجي مصر من 10 سنين ومش فاهم حاجة، ورجعت لندن وجيت تاني علشان أشوف الحاجات اللي هيثم سابها، لما دخلت شقة الهرم لقيت كل حاجة متبهدلة ومليانة تراب، لمينا الحاجة، وقلنا نبيع الشقة وناخد المقتنيات ونحطها في شقة المهندسين، وأنا ما بعرفش أقرا عربي، وكنت واثق في المحامي إنه يقول لي اللي مكتوب في العقد، وكنت ماضي على أساس إني أبيع الشقة بدون المقتنيات والمقتنيات تروح المهندسين».

وتابع: «اللي أنا اكتشفته بعدين لغاية 3 أسابيع فاتوا، لما لقيت هجوم عليا كبير، وابتديت أكتشف إن فيه لعبة مش مظبوطة بتتعمل، وبعدين لما رجعت من لندن وروحت المهندسين لقيت الشقة فاضية خالص ومفيش فيها حاجة خالص عالبلاط وكل المقتنيات اتشالت من غير ما يتقال لي، والمحامي كان حاطتها عنده في المكتب ومكان تاني، وبيتصرف من غير ما يقول وبيطلع يقول كلام في الميديا من غير ما يقول لي»، وأكد: «كلمت كريم ابن الفنانة منى عبد الغني وعرفت إنه رفع قضية عليه من غير ما يقول لي، وعرفت إنه دفع فلوس العربية اللي اشتراهل من هيثم كلها للأستاذ بلال من غير ما يوصلني أنا حاجة».

وأضاف رامي بركات: «روحت للنائب علاء عابد ووقف معايا وقفة محدش وقفها معايا غيره، وفي طريقه لأنه يعيد لنا المقتنيات، اللي عند المحامي ومش عاوز يرجعها، وأنا من الأول كنت عاوز أدي كل المقتنيات لوزارة الثقافة، وأقعد مع د. أشرف زكي نشوف ممكن نحفظ المقتنيات دي إزاي»، مشيرًا إلى أن مشتري شقة الهرم الذي اشتراها بالمقتنيات اتفق معهم على تسليم المقتنيات الموجودة في الشقة لوزارة الثقافة.

وأوضح رامي بركات أنه تقدم ببلاغ وعمل محضر رسمي ضد محاميه بلال عبد الغني بخصوص استحواذه على المقتنيات، مؤكدًا «أنا خايف على الحاجات وعاوزها ترجع لي في أسرع وقت».


الكلمات المتعلقة‎


مواضيع ممكن تعجبك