تستمع الآن

تامر حسني يوجه رسالة إلى زوجته: «سلمتي ودنك لشر السوشيال ميديا.. بس بحبك»

الإثنين - ١٦ نوفمبر ٢٠٢٠

وجه الفنان تامر حسني رسالة إلى زوجته الفنانة بسمة بوسيل في أعقاب نشرها تدوينة عبر خاصية القصص القصيرة على موقع “انستجرام”، بشأن انفصالهما والبدء في إجراءات الطلاق.

وكتب تامر حسني رسالة إلى بسمة بوسيل عبر موقع “انستجرام”، أشار فيها إلى أن البعض يتصيد الأخطاء سعيًا لـ”خراب البيوت”، موضحًا أنه يحبها.

وقال: “بسمة حبيبتي للأسف انتي مفكرتيش كويس وسلمتي ودنك لشر السوشيال ميديا عشان كام تعليق كلامهم فارغ نسوكي أنك عرفتيني وأنا مشهور ودي طبيعة شغلي اللي عرفتيني وحبتيني بيها، إزاي وصلوكي للزعل والبعد فترة المهم أنا مش هزعل منك ولا يرضيني زعلك انتي حبيبتي وأم ولادي”.

وتابع: “أنا ضهرك وسندك مهما حصل بس اللي بس اللي عايز أقوله لعل نكون سبب خير في توعية ناس كتير، ليه لما أي حد بيزعل من حد بيطلع يكتب عليه في السوشيال ميديا؟ طب حتى يكلمه الأول.. إيه علاقة الناس بمشكلة شخصية بين اتنين ممكن تتحل بالتليفون أو في زيارة رحيمة ما بينهم وياريتها مشكلة أصلا؟”.

وأكمل تامر حسني: “ربنا جعل بيننا مودة ورحمة عشان كده، للأسف انتي عارفة إن في ناس طبيعتهم حب خراب البيوت ومش هنخلص منهم، بس انتي اللي هتخلصي من فكرة أنك تسمعيهم مع إنك مكنتيش كده”.

وقال: “ياريتك تركزي مع طاقة الناس اللي دعولنا ودعوا لأولادنا بكل خير وفعلا أنا بشكر كل الناس والفنانين اللي سعوا في الخير لينا، أنا واثق انك دلوقتي زعلانة أنك كتبتي كده، هو تصرف متهور منك بس ولا يهمك مش عيب إن الإنسان يغلط ويتعلم وأنا ياما علمتك ولسه هعلمك”.

وأكد: “كان نفسي الكلام ده يكون بينا لكن انتي اشركتي الجمهور الكريم فكان لازم أرد هنا، إحنا بينا حب غالي وحياة كريمة وأولادنا وبيتنا أغلى ما فيها ربنا يخلينا ليهم ويخليهم لينا يارب.. متهورة بس بحبك”.


الكلمات المتعلقة‎


مواضيع ممكن تعجبك