تستمع الآن

بشرى: «طلبت من خطيبي الشبكة مدفن علشان نفسي أكمل معاه مشوار حياتي للآخر»

الخميس - ٢٦ نوفمبر ٢٠٢٠

قالت الفنانة بشرى إنها لا تعير اهتمامًا للانتقادات التي طالتها بعد خطبتها على رجل الاعمال سالم هيكل في فعاليات مهرجان الجونة السينمائي.

وأوضحت في لقاء لصحيفة «اليوم السابع» أن البعض قال إن خطيبها أصغر منها سنًا على الرغم من أنهما كبرا سويًا ومن نفس الدفعة الدراسية ولديهم نفس الأصدقاء المشتركين من الصغر، وكانت تشجعه دائمًا عندما كان بطلًا في السباحة في البطولات المختلفة.

وتابعت: «عاوزة أبص على الجانب الإيجابي من الموضوع إنه هذا الإنسان انتظرني 24 سنة علشان أوافق أكون معاه، وأنا كنت بنمظر له على إنه صديق وأخ متربيين مع بعض مش شريك حياة، لكن تجاربنا وتعاملنا مع الناس بيغيرنا وبنرجع نقدر القديم أكتر، لأنه على الأقل واخك على عيبك وعارفك وأنت بضفاير وقبل الشهرة».

وكشفت بشرى عن مفاجأة أنها طلبت شبكتها من خطيبها «مدفن»، موضحة: «علشان محدش عارف أحنا قاعدين لأمتى وماشيين أمتى دايمًا بنتعب إننا نعمل لدنيتنا ونشتري بيوت وعربية، ومعرفش له ما بنفكرش في الآخرة زي الدنيا، وأنا طلبت الدار الآخرة لأن نفسي أكمل معاه مشوار حياتي للآخر، ونفضل مع بعض لحد اليوم اللي يا هو يودعني يا أنا أودعه».

وكان رجل الأعمال سالم هيكل فاجأ بشرى بخطبتها على هامش فعاليات مهرجان الجونة السينمائي الرابع، بمساعدة نجوم الفن الحاضرين وعلى رأسهم الفنان خالد الصاوي، حيث تقدم لخطبتها وسط حشد من الحضور.

وقالت الفنانة بشرى في مداخلة مع الإعلامي وائل الإبراشي في برنامج «التاسعة» على التلفزيون المصري: «مش بس الأستاذ خالد الصاوي ده كمان شريف رمزي عن بعد ومجموعة كبيرة من زمايلي الفنانين الللي اتفاجئت بيهم وهم بيصطحبوني من ورا المسرح بعد ما انتهيت من الكلمة بتاعتي وحضور الاحتفال، ولقيت مجموعة العمل بتاعتي بتشدني على مكان فافتكرت إن فيه حد جراله حاجة أو وقع عالسجادة الحمرا لأنه ده حصل من يومين مع منتجة أمريكية ووديتها المستشفى».

وتابعت: «أخدوني وأنا مش فاهمة إيه اللي بيحصل واستقبلني الأستاذ خالد الصاوي ولقيته بيسألني أسئلة ولقيت فيه حركة مش مفهومة بالنسبة لي، وأنا قبل كده في الكواليس كذا صحفي بيبعتولي حاجات وبقول لهم إيه الكلام الغريب ده وأنا دماغي كلها في الشغل وفي المهرجان، وخطيبي هو كمان صديق طفولة وموجود بحياتي بشكل أو بآخر وعائلتي كلها تعرفه فبالنسبة لي مفيش حاجة غريبة يعني».


الكلمات المتعلقة‎


مواضيع ممكن تعجبك