تستمع الآن

فنان ينجو من احتراق سيارته خلال قيادتها على «المحور»: «كانت هتنفجر.. وربنا بعت لي ملايكة»

الإثنين - ٠٥ أكتوبر ٢٠٢٠

كشف الفنان محمود عامر عن نجاته من احتمالية انفجار سيارته على طريق المحور خلال طريقه إلى المنزل.

ونشر «عامر» فيديو عبر حسابه في «فيسبوك» قال فيه: «كنت بعمل العربية وخلصتها وحطيت زيت وبنزين، وماشي على المحور مروح بيتنا، وبعدين شميت ريحة شياط غريبة، قلت يمكن بيولعوا قش رز ولا حاجة، وبعدين لقيت واحد ابن حلال قالي العربية مولعة، افتكرت إنه واحد من اللي بيثبتوا العربيات، رائحة الشياط عالية جدًا، نار من تحت الموتور، فتحت الكابوت، بدور على طفاية الحريق قدام مني مش شايفها، فلقيت سجادة الصلاة وعمال أطفي والنار بتزيد، والمصلية ولعت قعدت أعمل بيها إشارة على المحور وأقول الحقوني الحقوني وصوت بقى مجروح، وكنت لسه حاطط بنزين والعربية ممكن تنفجر».

وتابع: «ربنا بعت لي ملايكة واحد سايق ونش جري 25 متر وشايل مياه واتنين شباب ربنا يحفظهم جابوا طفايات حريق وطفوها، وحصلي حرق بسيط في إيديا اليمين والشمال علشان كده مش عارف أكتب، ولولا الأخ اللي جري ورايا ما كنتش شوفت النار كانت تحت العربية».

وشارك الفنان محمود عامر في موسم رمضان الماضي في مسلسل «شاهد عيان» في دور «أبو عاليا»، والمسلسل بطولة حسن الرداد، بسمة، هنا شيحة، محمد لطفي، وليد فواز، وأحمد صيام، تأليف أحمد مجدي، إخراج محمد عبد الرحمن حماقي.


الكلمات المتعلقة‎


مواضيع ممكن تعجبك