تستمع الآن

حسن يوسف عن سبب عدم حضوره مهرجان الجونة السينمائي: «تمت دعوتي بشكل غير لائق»

الثلاثاء - ٢٧ أكتوبر ٢٠٢٠

كشف الفنان القدير حسن يوسف أسباب عدم حضوره مهرجان الجونة السينمائي خاصة بعد تلقيه دعوة سابقة من إدارة المهرجان للحضور.

وقال الفنان حسن يوسف في مداخلة هاتفية مع برنامج «حضرة المواطن» تقديم الإعلامي سيد علي على قناة «الحدث اليوم»: «عاوز أشكر نجيب ساويرس لأنه أي كان يدعوا من يشاء، لكنه مهرجان يقول للعالم أجمع أن هناك سينما مصرية وفن مصري عالمي يستطيع أن يقيم مهرجان عالمي زي مهرجان الجونة، وهو شيء طيب ويشرف مصر».

وأوضح: «تمت دعوتي السنة اللي فاتت لكن بشكل غير لائق، بشرى كلمت ابني عمر وقالت له معلش إحنا اتأخرنا في الدعوة وعاوزين والدك يجي بس معندناش غير غرفة ليكم أنتم الاتنين، قالها مينفعش الكلام ده على الأقل بابا ياخد سويت من اللي بتدوه للنجوم الأجانب والكبار، قالت له معلش يا عمر الدنيا اتأخرت، قالها أنا آسف بعتذر بالنيابة عن والدي مقدرش أبلغه الكلام ده، ولما بلغني قولت له برافو عليك إنك عملت كده».

وانطلق مهرجان الجونة السينمائي في دورته الرابعة، الجمعة، تحت شعار «الإنسان والحلم»، والتي تستمر فعالياته حتى 31 أكتوبر، بمشاركة عدد كبير من نجوم الفن في مصر والعالم، مع اتخاذ جميع الإجراءات الاحترازية اللازمة للوقاية من فيروس كورونا (كوفيد 19).


الكلمات المتعلقة‎


مواضيع ممكن تعجبك