تستمع الآن

تفاصيل آخر أعمال المنتصر بالله: «دور برد» عطّل البروفات حتى موته

الأحد - ٢٧ سبتمبر ٢٠٢٠

كشف السيناريست المصري وليد يوسف عن تفاصيل آخر عمل كان يحضّر له الفنان الراحل المنتصر بالله ليعود به إلى عالم الفن، قبل أن يلفظ أنفاسه الأخيرة أمس السبت.

ونشر وليد يوسف صورة تجمعه بالفنان الراحل المنتصر بالله مع فريق عمل عرض مسرحي جديد للأطفال كان يتم التحضير له من بينهم الفنان محمد علي رزق.

وكتب السيناريست وليد يوسف: «الصوره دي في البيت عند مونتي كنت بعرفه علي جزء من فريق عمل مسرحيه اطفال كانت بطولته وكان هايرجع بيها مره تانيه للشغل..في بروفات الترابيزة كان متالق كالعاده..وكان بيرمي ايفيهات مضحكه جدا وغير متوقعه..عملنا ٣ بروفات..وكلمتني رانيا بنته طايره من الفرح الدكتور اللي بيتابع عنده مونتي قال لها ان الشغل عمل طفره في حالته وان الجلطه اللي كانت مقعداه في البيت لسنين في طريقها للشفا».

وتابع: «تحمسنا اكتر للمشروع ومش عايز اقولكم فرحه كل الممثلين اللي في العرض واحساسهم بالفخر للشغل معاه..لكن للاسف مونتي جاله دور برد..تعب شويه واجلنا البروفات..وزاد التعب ورجع مونتي للبيت تاني..وفضل تعبان لحد ماراح لربنا النهارده..فيه ناس كتير روحها وحياتها في الشغل..مابتحسش انها عايشه وموجوده غير بالشغل..قعده البيت موت مبكر، لكن مونتي هايفضل موجود وعايش ومبهج».

ورحل الفنان المنتصر بالله، أمس السبت، عن عمر ناهز 70 سنة، بأحد المستشفيات بمدينة الإسكندرية بعد صراع مع المرض، حيث عانى خلال أكثر من 10 سنوات من عدة أمراض مزمنة بدأت معه عام 2008 بعدما أصيب بجلطة فى ‏المخ.

وقال د. أشرف زكي، نقيب الممثلين، إن صلاة الجنازة على الفنان الراحل المنتصر بالله ودفنه ستكون اليوم الأحد من القاهرة، لكن لم يتم تحديد مكان الجنازة من أى كنيسة، مشيرًا إلى أنه مازال فى أحد مستشفيات الإسكندرية منذ وفاته، وجارى إنهاء تصاريح نقل ودفن الجثمان.

ومن أشهر أعماله في السينما والمسرح والتلفزيون: «تجيبها كده تجيلك كده هي كده، أسوار المدابغ، التحدي، الحدق يفهم، الزمن الصعب، الشيطانة التي أحبتني، استجواب، حضرات السادة العيال، عائلة سعيدة جدا، شارع محمد علي، علشان خاطر عيونك، بدارة، أنا وأنت وبابا في المشمش، أرابيسك، عيون».


الكلمات المتعلقة‎


مواضيع ممكن تعجبك