تستمع الآن

«تحول لقاتل متسلسل».. محمد هنيدي يكشف عن تخيلاته للجزء الثاني من «همام في امستردام»

الأربعاء - ١٢ أغسطس ٢٠٢٠

يعتاد الفنان محمد هنيدي على التواصل مع متابعيه وجمهوره على مواقع التواصل الاجتماعي بصفة مستمرة، حيث يحرص دائمًا على المشاركة برأيه في عدد كبير من الأحداث بطريقته الطريفة.

وكتب محمد هنيدي عبر صفحته الرسمية على موقع «فيسبوك»، تدوينة كشف فيها عن استعداده للإجابة على أسئلة جمهوره، قائلا: «يلا كل اللي عايز يسأل سؤال يسأل وهجاوب على شوية اسئلة».

وأجاب محمد هنيدي، على سؤال إحدى متابعاته، قائلة: «بالنسبة لدوبلاج شركة المرعبين المحدودة اللي عشمت الأطفال ذوي الـ21 سنة فيه وغدرت بيهم ولسه متعملش؟».

ورد قائلا: «تدري لو الكومنت هذا وصل 50 الف لايك .. هعملكم دوبلاج مشهد مخصوص بنفسي أول ماخلص تصوير الفيلم».

كما تلقى سؤالا عن الجزء الثاني من «صعيدي في الجامعة الأمريكية»، مفاده: «مش كان في كلام عن جزء ثاني لصعيدي في الجامعه الامريكية.. هو أنا هفضل مستنية كتير بصوت روز زهرة الربيع المتفتحة؟»، ليرد: «بنفكر نعمل الجزء الثالث قبل الثاني».

وتلقى محمد هنيدي، سؤالا بشأن الجزء الثاني من همام في امستردام، وتوقعاته لأحداثه، وتضمن السؤال: «عايزين جزء تاني من همام بعد ما اتجوزت البنت واشتريت المطاعم.. هل فلست وبعتها ولا وقعت في حرب مع المافيا الهولندية واكشن وكوميديا؟ وهل السقا سابك وخلع ولا كمل معاك برقبته».

 

وأجاب هنيدي: «لا طلع بيتخيل من اثار الصدمة العاطفية اللي خدها من جواز حبيبته اللي ياما اكلها كشري هي وأخوها العجل على حسابه، وتحول لقاتل متسلسل بينتقم لقلوب الشباب المجروحه واتقبض عليه واتعمل عنه فيلم وسقط كمان».

وكشف محمد هنيدي، من خلال سؤال أرسل له عبر «فيسبوك»، عن حقيقة تقدمه للالتحاق بأكاديمية الشرطة، ليجيب: «ايوة رحت الاختبارات فعلا وكان في طابور طويل مش شايف اخره.. مش عشان طول الطابور، عشان سبب تاني محرج اقوله».

وأكمل: «كان أول حاجة قياس الطول ولما دخلت لقيت الظابط بينزل المؤشر تحت وقالي صعب أوي، وطبعا من غير قياس مشيت وكان المفروض اني امشي اول لما دخلت وماعرفتش اشوف آخر الطابور».

 

 


الكلمات المتعلقة‎


مواضيع ممكن تعجبك