تستمع الآن

الفنان كريم سرور يعلن إصابته بفيروس كورونا

الأحد - ٢٣ أغسطس ٢٠٢٠

أعلن الفنان الشاب كريم سرور، إصابته بفيروس كورونا المستجد، بعد ظهور الأعراض عليه منذ 11 يومًا، مطالبًا مخالطيه بسرعة إجراء مسحة للتأكد من سلامة صحتهم.

وكتب سرور على حسابه الشخصي بموقع ”فيسبوك”: “كنت مترددًا جدًا في كتابة البوست ده بس قلت لازم الناس تعرف عشان تاخد بالها ولله الأمر من قبل ومن بعد.. أعراض فيروس كورونا المستجد (الموجة التانية من الفيروس) هو إصابة الجهاز الهضمي قبل التنفسي فيه أعراض أولية معروفة وشائعة زي تكسير شديد في الجسم وسخونية عالية جدًا وبتنزل فجأة دون مبرر وفجأة تعلي تاني أوي، ضيق في التنفس برضه مش طول الوقت خفقان في القلب وزيادة سرعة ضرباته بشكل يخوف جدًا فقدان الشهية و عدم الإحساس بالطعام”.

وتابع: “أما الأعراض المستجدة بالنسبة للمعروف للناس هو ألم شديد في البطن.. المعدة والقولون، إسهال شديد وشوية وبيقلب بإمساك شديد.. ألم المعدة بيمتد للجناب والضهر وأحيانًا الرقبة.. وحاجة كدة أشبه بحالات الإغماء بتستمر لمدة 10 دقائق أو نصف ساعة بالكتير وده أظن بسبب مقاومة الجهاز المناعى للفيروس لأنه ساعتها بتكون درجة حرارتى عالية جدًا.. شعور مستمر بالقيئ بس مبيحصلش وأظن دي طبيعة جسمي أنا عادة مبرجعش خالص”.

واستكمل: “الأعراض غير مستقرة وبتيجى وتروح وتقل وتزيد والثابت فيها هو عدم القدرة على التنفس بشكل جيد (كأن فيه حاجة على صدرك) وآلام شديدة في البطن.. دي الأعراض اللي عندى بقالها 11 يوما وأنا كنت فاكر إنها من القرحة المزمنة اللى عندى لحد ما حللت والتشخيص كان إصابتي بفيروس كورونا المستجد.. الأعراض كانت شديدة جدًا ولا تحتمل في أول 4 أو 5 أيام وبعدين بدأت تقل لكنها فجأة بتزيد جدًا.. بس أنا أحسن دلوقتي الحمدلله اتمنوا لي الشفاء وأي حد خالطني في آخر 25 يوما يتأكد إنه تمام بس.. أسف جدًا أكيد مكنتش أعرف، شكرًا”.

كريم سرور ممثل ومخرج مصري شارك في عدد من الأعمال الفنية أبرزها: مسلسل “الأب الروحي” و”فرصة تانية” و”شاهد عيان”، و”قمر هادي” و”كلبش” و”رحيم”.


الكلمات المتعلقة‎


مواضيع ممكن تعجبك