تستمع الآن

هنا الزاهد: الشرطة تواصلت معي بعد مشاهدة الفيديو للقبض على المتحرشين بي

الأربعاء - ٠٨ يوليو ٢٠٢٠

حكت الفنانة هنا الزاهد تفاصيل تعرضها للتحرش والملاحقة خلال قيادتها سيارتها، وهي الواقعة التي صورتها بالفيديو ونشرتها عبر مواقع التواصل الاجتماعي.

وقالت الفنانة هنا الزاهد في مداخلة هاتفية لبرنامج «التاسعة» مع الإعلامي وائل الإبراشي: «كنت دايمًا بتعرض للحاجات دي بس كنت دايمًا بخاف وبجري بالعربية بس المرة دي الناس زودوها لدرجة وحشة جدًا، خوفوني وكانت الساعة 9 بالليل مش متأخر، وهم عارفين إن أنا ممثلة وجريوا ورايا وقعدوا يزنقوا عليا ويقولوا كلام بصوت عالي، وأنا كنت بجري، فقلت همسك الموبايل أصورهم أو ياخدوا الموبايل، والمطاردة استمرت لحوالي 5 دقايق».

وتابعت هنا الزاهد: «طلعت الموبايل والفلاش كان ضارب فعرفوا إن أنا بصور فجريوا وخبوا وشهم»، مؤكدة: «الشرطة تواصلت مع أحمد فهمي جوزي، وكلموني وقالولي بنحاول نجيب العربية ولحد دلوقت بيحاولوا يجيبوها، ومش أنا اللي كلمتهم هم اللي كلموني، بعد ما شافوا الفيديو وسألوني شوية أسئلة».

ونشرت هنا الزاهد عبر ستوري حسابها بموقع «إنستجرام» فيديوهات خلال ملاحقة سيارة نصف نقل لها وعلقت قائلة: «متحرشين بيخبوا وشهم وبيجروا لما صورتهم»، إذ أظهر الفيديو بعض الأفراد يجلسون في سيارة نصف نقل.

وقالت: «رجالة أهم، أنا دلوقتى في العربية، الفيديو اللى أنتم شوفتوه الأول لرجالة بشنبات قاعدين في عربية نص نقل كانوا بيجروا ورايا بقالهم 5 دقائق وبيتحرشوا بالكلام وعاملين يكسروا عليّ وكانوا بيجروا عليّ، أول ما طلعت الموبايل جريوا زى الفئران لأنهم فعلا زى الفئران أو كلاب بمعنى أصح، فاكرين لو بنت لوحدها في العربية هتخاف وتقعد تجرى».

وأوضحت: «لا أنا مابخافش دول ناس مش محترمة وماتسكتيش على حقك وحق يتجاب دلوقتى عادى جدا وعاوز أقول لأى بنت في عربيتها ماتخفيش طلعى موبايلك وصوريهم هيجروا زى الجبناء وماتسكتيش على حقك».


الكلمات المتعلقة‎


مواضيع ممكن تعجبك