نشرت الفنانة شيماء سيف تسجيلا صوتيا خاصا مرسلا إليها من الفنانة الراحلة رجاء الجداوي، تعبر لها خلالها عن حبها الشديد لها وأمنيتها بأن تقابلها قريبا.
ونشرت شيماء التسجيل الصوتي عبر حسابها الشخصي على “إنستجرام”، وكتبت نعيا مؤثرا للفنانة الكبيرة الراحلة، قائلة: “كانت صحبتى وحبيبتى وزى أمى ربنا يعلم محبتك في قلبى من أول يوم اتقابلنا وكان تانى عمل ليا كنت صغيرة أول ماشوفتينى ضحكتى وقولتيلى أنت قلبك أبيض زى أميرة بنتى وبتفكرينى بيها وربنا هيكرمك فى شغلك وهتفتكرى كلامى بس أهم نصيحة هقولها لك هى احترام المواعيد فى شغلنا”.
وأضافت: “ومن يومها وأنا ماشية بنصيحتك وبقينا أعز أصحاب ولما اشتغلنا سوا بعدها فعلا كانت أحلى أيام كنت بروح اللوكيشن علشانك علشان أفضل معاكى وتحكيلى كل ذكرياتك ويوم فرحى عمرى ماهنسى نظرتك ليا وفرحتك بيا كانك أمى بالظبط”.
وأكملت: “زادت فرحتى لما جيتى سكنتى جنبى وبقيتى تصحى الصبح تقولي لي تعالى حالا نفطر سوا وحشانى أنزل جرى أجيلك وعمرها ما كانت بترسى على فطار لا ده أنا كنت بمشى من عندك أخر الليل من كتر ماكنت مابتسبنيش أمشى عشان قعدتنا حلوة وروحك حلوة أنا بحبك أوى وأوعدك عمرى ماهنساكى وهفضل أدعيلك لآخر يوم في عمرى، ربنا يرضى عنك ويثبتك عند السؤال ويجعل ألمك وخوفك في ميزان حسناتك.. اللهم لقنها حجتها واغفر لها وارحمها.. إنا لله وإنا إليه راجعون”.
ورحلت الفنانة رجاء الجداوي عن عالمنا في الساعات الأولى من صباح الأحد الخامس من يوليو بعد معاناتها بعد إصابتها بفيروس كورونا، عن عمر يناهز 82 عاما.
يذكر أن رجاء الجداوي تواجدت في العزل الصحي لمستشفى أبو خليفة في مدينة الاسماعيلية لمدة 43 يومًا، وذلك منذ إصابتها بفيروس كورونا، وكانت تتواجد على جهاز تنفس صناعي اختراقي، ودخلت العناية المركزة المستشفى أبو خليفة للعزل الصحى، بعد تدهور حالتها الصحية.
مواضيع ممكن تعجبك
