تستمع الآن

«حصة عن جسم البني آدم».. الفنانة علا رشدي تقدم اقتراحا لوزير التعليم لمواجهة ظاهرة التحرش

الثلاثاء - ٢١ يوليو ٢٠٢٠

وجهت الفنانة علا رشدي، نداء للدكتور طارق شوقي، وزير التربية والتعليم، من خلال مقطع فيديو عبر حسابها بموقع “إنستجرام”، تتحدث فيه عن ظاهرة التحرش، والتي أكدت أنها منتشرة منذ وقت طويل، وليست وليدة هذه الفترة.

وقالت: “ماكنتش عاوزة أتكلم غير لو كان عندي حلول، التحرش بيكون بكذا طريقة منها مجرد النظرة، مفيش مبرر أو حاجة بتخلي الراجل يعمل كدة غير إنها ست، مش عشان لابسة عريان ولا حلوة دي ثقافة متوغلة من زمان جدا”.

وأضافت: “الوعي والتعليم حاجتين مهمين في تربية ولادنا، لازم نربي ولادنا على إن جسمنا ملكنا، محدش له الحق إنه يلمس حد تاني أو يستخف بيه أو يحتقره”.

وتابعت: “وأنا في سنة 6 ابتدائي كنت بدرس جسم الإنسان، أتمنى يبقى فيه حصة عن جسم البني اَدم وكل واحد يخلي باله من جسمه، لو ده حصل من صغرهم هيحسوا إن الموضوع عادي، ولازم نحترم جسم بعض”.

ووجهت “علا” نصيحتها للجمهور، قائلة: “لو بنتك جت قالتلك أنا بحب واحد، ماتخوفيهاش، أو لما ابنك أو بنتك يحكوا لك معناها إنهم بيثقوا فيكم، أنا قلقانة لو ولادي لما يكبروا مايحكوليش”.

وأشارت: “لكل أم المفروض إنتِ الكبيرة توعيه، اسمعوا منهم، قولي له خلي بالك على نفسك، وتحاولوا تقولي لهم الحاجات اللي اتربيتوا عليها بطريقتك، وبلاش تخوفوهم لأنهم بيعندوا، ماتستنوش يحكوا لك وهما كبار، لازم الكلام ده يحصل وهما صغيرين”.

وأكملت: “ساعات يخلوا الولاد يتريقوا على بنات، وتربوهم إن الولد أحسن من البنت، وإن البنت بتيجي الدنيا عشان تخلف وبس، ودايما الراجل أهم، لازم نعلمهم يحترموا بعض، لازم نحترم بعض، لازم يثقوا فينا ويتعلموا يقولوا لنا أي حاجة، ويحكوا لنا أي حاجة ونتقبل ومش نبعدهم عننا إحنا قدوة بالنسبة لهم”.

واختتمت “علا” حديثها، موجهة رسالة لوزير التربية والتعليم، قائلة: “أنا بناشد سيادة وزير التربية والتعليم، لازم يبقى فيه حصة عن جسم البني آدم، ومحدش يتعرض للتاني، ولازم نقول إن دي جريمة”.

وأثير خلال الأيام الماضية جدلا كبيرا على وقع اتهام أكثر من 100 فتاة لشاب بالاغتصاب والاعتداء الجنسي على قاصر والتحرش بأخريات.

وكان المركز القومي للمرأة من أوائل المؤسسات التي ساندت الفتيات، إذ تقدم المركز ببلاغ للنائب العام للتحقيق في الواقعة، مطالبا جميع الفتيات اللاتي وقعن ضحية للشاب بالتقدم ببلاغات رسمية، وبالفعل تم القبض عليه على ذمة العديد من الاتهامات ضده.


الكلمات المتعلقة‎


مواضيع ممكن تعجبك