تستمع الآن

بعد إلغاء حكم حبسه.. أحمد الفيشاوي يخرج عن صمته ويسرد تفاصيل قضية مصاريف ابنته

الأربعاء - ٢٩ يوليو ٢٠٢٠

خرج الفنان أحمد الفيشاوي عن صمته في أول تعليق له على حكم براءته الذي صدر، يوم الأربعاء، من محكمة جنح مستأنف الدقي :”النهارده هند الحناوي فشلت أنها تحبسني سنه بمعرفة بنتي لينا”.

وأوضح الفيشاوي في منشور له عبر حسابه بموقع “إنستجرام”: “ده الوقت أني أقولكوا اللي حصل باختصار.. أنا بشوف لينا من وهي عندها 3 سنين بعد ما المشاكل خلصت بيني وبين مامتها، وبالتالي كنت بصرف على أكلها وشربها وهدومها ومدرستها الكندية في مصر، هند (طليقته) فهمتها عكس كده بس أنا عندي ما يثبت ذلك.. لما لينا تمت 11 سنة هند اقترحت إننا نوديها مدرسة خاصة في لندن لتدريس الفنون من غناء، تمثيل، إخراج.. ألخ”.

واستكمل: “تحمست جدا عشان كنت شايف فيها موهبة كبيرة.. قدمت في المدرسة ووافقت على السفر.. وأول ما هند وصلت بلينا إنجلترا نقلتها من المدرسة ومن لندن إلى كِنت (Kent) لمدرسة مش تخصصها الفنون بمصاريف أقل بكتير وحطت فلوس مدرسة بنتي في جيبها وأيضا عندي ما يثبت ذلك في الوقت المناسب”.

وأشار: “أنا مش بلوم على لينا علشان هي كذبوا عليها كتير وغالبا هي هتشوف الصور دي ويمكن تفتكر أني كنت موجود عشانها وبحبها وما زلت”.

واختتم: “قضت محكمة جنح مستأنف الدقي بجلسة اليوم بإلغاء حكم حبس الفنان أحمد الفيشاوي لمدة سنة والقضاء مجددا ببرائته في قضية امتناعه عن تنفيذ حكم النفقة”.

وكانت المحكمة قد أصدرت حكما بحبس الفنان أحمد الفيشاوي سنة وكفالة 2000 جنيها وغرامة 500 جنيها إلى جانب إلزامه بدفع 20 ألف جنيها تعويض و50 ألف للمحاماة والمصاريف بسبب امتناعه عن تنفيذ أحكام نفقات وأجور، أقامها ضده المحامى شعبان سعيد وكيلًا عن ابنته لينا.

 

View this post on Instagram

 

النهارده هند الحناوي فشلت أنها تحبسني سنه بمعرفة بنتي لينا .. ده الوقت أني أقولكوا اللي حصل بأختصار .. انا بشوف لينا من و هي عندها ٣ سنين بعد ما المشاكل خلصت بيني و بين مامتها و بالتالي كنت بصرف علي أكلها، شربها ، هدومها و مدرستها الكنديه في مصر .. هند فهمتها عكس كده بس انا عندي ما يثبت ذلك .. لما لينا تمت ١١ سنه هند أقترحت أننا نوديها مدرسه خاصه في لندن لتدريس الفنون من غناء ، تمثيل ، أخراج .. ألخ تحمست جدآ عشان كنت شايف فيها موهبه كبيره .. قدمت في المدرسة و وافقت علي السفر .. و أول ما هند وصلت ب لينا أنجلترا نقلتها من المدرسة و من لندن الي كِنت ( Kent ) لمدرسه مش تخصصها الفنون بمصاريف أقل بكتير و حطت فلوس مدرسة بنتي في جيبها و أيضآ عندي ما يثبت ذلك في الوقت المناسب … انا مش بالوم علي لينا علشان هي كذبوا عليها كتير و غالبآ هي هتشوف الصور دي و يمكن تفتكر أني كنت موجود عشانها و بحبها و مازلت. ————————————— قضت محكمة جنح مستئانف الدقي بجلسة اليوم بالغاء حكم حبس الفنان احمد الفيشاوي لمدة سنه والقضاء مجددا ببرائته في قضية امتناعه عن تنفيذ حكم النفقه

A post shared by Ahmad AlFishawy (@fishawyofficial) on


الكلمات المتعلقة‎


مواضيع ممكن تعجبك