تستمع الآن

هشام سليم عن نجله نور: «ارحموه.. أنتوا بترغموه بقسوتكم أنه يدور على حتة تانية يعيش فيها»

الأربعاء - ٢٤ يونيو ٢٠٢٠

أثار نور هشام سليم نجل الفنان هشام سليم، الجدل خلال الأيام الماضية بشأن تصريحاته عبر صفحته الرسمية على موقع “انستجرام”، بشأن تحوله من أنثى إلى ذكر.

كان نور هشام سليم قد تحدث عبر صفحته خلال الأيام الماضية، عن عدم معاناته من خلل هرموني وأن ما فعله لم يكن تصحيحًا بل تحويلا.

وقال: “هقولكم حاجة أنا مكنش في خلل هرموني، ولا كان في حاجة، ده مكنش تصحيح، ده كان تحويل”، إلا أنه حذف الفيديو عقب ذلك بسبب الهجوم الذي تعرض له عبر مواقع التواصل الاجتماعي، بجانب رفع دعوى قضائية ضده للنائب العام.

فيما علق الفنان هشام سليم على تصريحات نور الأخيرة، قائلا: “أنا شايف أنها شجاعة منه وبيحاول يفهم الناس إيه الحقيقة، وفقا لتصريحاته لـ”ET بالعربي”.

وأوضح هشام: “نور مبحاولش يستخبى وراء أي ستار، وأنا مقولتش كلام مختلف عن كلامه وأنا مبشوفش الحاجات دي ومش بقرأ الحاجات دي، لكن في ناس كلموني وقالولي فعلا مش عارف قال تحول أو تعمد مش عارف إيه”.

وأكد أنه قدم لنجله العديد من النصائح يشأن الفترة المقبلة، قائلا: “قلت له قبل كده أنت داخل على مرحلة جديدة جدًا وخطرة جدا وأصعب من اللي أنت كنت فيها، ومش عاوز أقوله إنه غلطان لأنه تحدث بصراحة، ومع الأسف أنا متربي على كده”.

وأكمل: “الناس اللي بتقول عليه أنه ميعرفش ربنا وربنا هيحرقه، ابني مبيدورش غير على كلمة واحدة وهي الرحمة، ارحموه لأنه هو عايز الرحمة بس عشان يعرف يعيش”.

وأضاف هشام سليم: “انا عاوز ابني يعيش قريب مني، لكن مع الأسف مع حاجة زي اللي بتحصل هيضطر يشوف حتة تانية يعيش فيها ويبعد عن عائلته وأصدقائه، وأنتوا بترغموه بقسوتكم أنه يدور على حتة تانية يعيش فيها”.

القصة وراء نور

كان الفنان هشام سليم قد كشف عن عبور ابنته «نورا» جنسيًا من أنثى إلى ذكر، لتصبح ابنه «نور» مؤكدًا دعمه الكامل له في قراره.

وقال «سليم» في حوار ببرنامج «شيخ الحارة والجريئة» مع المخرجة إيناس الدغيدي، على قناة «القاهرة والناس»: «بنتي نورا بقت ابنى نور وربنا اللي عايز كده وهي بتتحول جنسيًا حاليًا، وأنا مستغربتش أبدا أنها تتحول جنسيًا لأنها من ساعة ما اتولدت وأنا كنت شايف إن جسمها ولد وكنت علطول بشك في الحكاية دي».

وأضاف: «في يوم من الأيام قالت لي أنا عايشة في جسم غير جسمي وكان وقتها عمرها 18 سنة ودلوقتي 26 سنة»، مؤكدا أن قرار ابنته بالتحول الجنسي لذكر شجاعة منها خاصة أننا نعيش في مجتمع يرفض مثل هذه العادات.


الكلمات المتعلقة‎


مواضيع ممكن تعجبك