تستمع الآن

محمد أنور يدعم يوسف الشريف بشأن «المشاهد الساخنة»: «عملت حاجات وندمت ونفسي ربنا يسامحني»

الأحد - ٢٨ يونيو ٢٠٢٠

دعم الفنان محمد أنور، الفنان يوسف الشريف في تصريحاته التي قالها في لقائه مع الإعلامي رامي رضوان في برنامج «مساء dmc» بشأن المشاهد الساخنة في أعماله.

وقال محمد أنور عبر «إنستجرام»: «ايه كل الهري والكلام الفاضي وقله الادب اللي حصلت عشان الراجل ده قال انه عنده مبدأ معين هو انه ضد المشاهد الساخنه او الاحضان والبوس والكلام ده لانه ببساطه بيخاف ربنا ومش عاوز يغضبه وهو شغال بالمبدأ بقاله اكتر من عشر سنين وناجح بيه وربنا كارمه من وسع كمان وانه هو مش ضد اللي بيعمل عكس كده ولا شايف نفسه اكتر احتراما من حد».

وتابع «أنور»: «فجأه كل الناس شايفاه رجعي ومتخلف ومش فنان وناس قالو ده اخوان وناس قالت طب روح حجب مراتك الاول وبعدين اتكلم وناس طلعتله مشاهد من اعمال قديمه هو بيحضن فيها وقالو ايام ماكان بيحب التلامس وكميه قله ادب في موضوع الراجل طرحه بكل احترام وقال انه فيه ممثليين كتير زيه اصلا مش بيحبو يعملو ده او ندمو اصلا علي اعمال هما قدموها في البدايه وبعدين شافو انه ماينفعش انه يعمل كده تاني».

وأكد: «وعلي فكره بقي هو صح والله العظيم وانا نفسي اللي لسه ببدأ عملت حاجات وندمت اني عملتها ونفسي ربنا يسامحني عليها.. افتكر انك لما بتموت وانت سايب صدقه جاريه بتنفعك في قبرك وتزود حسناتك ..ممكن كمان تعمل عمل يعتبر ذنب جاري وبعد ماتموت يفضل يزود سيئاتك».

كان يوسف الشريف قد تحدث في تصريحات تليفزيونية عن رفضه القيام بأي مشاهد ساخنة في أعماله الفنية، وهو قرار اتخذه من 10 سنوات خاصة بعد فيلم «هي فوضى»، وهو ما فسره البعض أنه رفض لملامسة النساء في أعماله الفنية، قبل أن يوضح المقصود في تغريدة عبر صفحته على «تويتر».

النجم يوسف الشريف يوضح تحفظاته بخصوص مشهد "صباح وهي بتشيل الروبوت زين" في مسلسل #النهاية

النجم يوسف الشريف يوضح تحفظاته بخصوص مشهد "صباح وهي بتشيل الروبوت زين" في مسلسل #النهاية#مساء_dmc

Posted by Ramy Radwan on Friday, June 26, 2020

وكتب يوسف الشريف عبر صفحته: «مش عارف إزاي كلمة (المشاهد الساخنة)اتحولت لـ(ملامسة النساء)، عموماً لازم نفترض حسن النية».

يوسف الشريف

وأكمل: «طبعًا المشهد ده أصلا ملوش أي علاقة بالكلام ده، ده مشهد عادي جدًا وتخيل أن كل الدوشة دي بسبب تصريح من حساب مزور، كذبوا الكذبة وصدقوها».


الكلمات المتعلقة‎


مواضيع ممكن تعجبك