تستمع الآن

فنانو مصر: «مريض فيروس كورونا لازم ندعمه مش نبعد عنه»

الثلاثاء - ٠٩ يونيو ٢٠٢٠

وجه عدد من الفنانين والإعلاميين والرياضيين، رسائل دعم إلى المصابين بفيروس كورونا، الذي يتعرض البعض منهم إلى حملات تنمر ووصم من قبل المحيطين به.

ونشرت الصفحة الرسمية لوزارة الصحة المصرية، فيديو لعدد من نجوم الفن من بينهم: محمد هنيدي، وحسن الرداد، وتامر حبيب، وهاني رمزي، وناهد السباعي، وهنا الزاهد، برفقة الإعلامي أسامة منير، واللاعب حازم إمام واللاعب أحمد حسام ميدو، يوجهون رسائل دعم للمصابين.

وحمل الفيديو، اسم: “تحية لكل الفريق الطبي اللي بيساعد أهلنا من مصابي فيروس كورونا كل يوم، علشان نعدي من الأزمة دي على خير”.

وقال الفنان هاني رمزي: “تخيل لو أنك اتصبت وأصبحت مريض ويبقوا جيرانك خايفين منك بيحاولوا يبعدوا عنك وكمان مش عايزينك ترجع البيت خوفا من العدوى”.

وعلقت ناهد السباعي: “إحساسك إيه لو أنت مسافر في أي بلد، ولقيت أهل البلد دي بيعاملوك وحش قوي وبيتنمروا عليك؟، وكمان لو مت ميردوش تتدفن لأن أهل البلد رافضين وخايفين لتكون جثته سبب في انتشار العدوى”.

فيما قالت الفنانة ريهام عبدالغفور: “تخيل لو شغلانتك دكتور أو ممرض ومقضي يومك كله بتحاول تنقذ الناس؟ ومش عارف تدفن الميت”.

وعلق الفنان محمد هنيدي: “الموضوع صعب جدا لكن للأسف ده حصل وبيحصل، طيب إيه الحل المفروض نعمله عشان نتجاوز الأزمة دي؟ لازم تحمي غيرك وتحمي المجتمع”.

وأكد الإعلامي أسامة منير: “المشكلة مع انتشار الفيروس وعدم المعرفة وانتشار الإشاعات، الناس بتبتدي تتعامل مع المصاب بطريقة سيئة جدًا”.

وقال لاعب توتنهام وروما السابق أحمد حسام ميدو: “الناس بدأ تخاف تقول عند ظهور الأعراض عشان ما تتوصمش في وسط الناس اللي حواليها”.

كما أوضح حازم إمام لاعب الزمالك السابق: “المرض ده ما يفرقش بين غني أو فقير أو كبير أو صغير”.

كانت وزارة الصحة قد سجلت 35444 حالة مصابة بفيروس كورونا في مصر، من ضمنهم 9375 حالة تم شفاؤها وخرجت من مستشفيات العزل والحجر الصحي، و 1271 حالة وفاة.


الكلمات المتعلقة‎


مواضيع ممكن تعجبك