تستمع الآن

داليا البحيري تعلن إصابة زوجها بـ«كورونا» وتنتظر نتيجة المسحة لها ولأولادها

الإثنين - ١٥ يونيو ٢٠٢٠

أعلنت الفنانة داليا البحيري إصابة زوجها رجل الأعمال حسن سامي بفيروس كورونا  بعد ثبوت نتائج تحاليله.

وقالت داليا البحيري عبر «فيسبوك»: «أنا هبدأ بألف حمد وشكر ليك يارب، لأن أنا عارفة ومتأكدة إن إحنا عملنا اللي علينا وزيادة، حافظنا وقاعدنا في البيت وعقمنا وطهرنا وشجبنا اللي نزل انطلق واتفسح، وأنا والحمد لله راضية جدا بقضاء ربنا سبحانه وتعالى».

وتابعت: «حسن جوزي وحبيبي طلع إيجابي كورونا ڤايروس، وربنا يشفييه ويعافيه يا  رب، إحنا كلنا عاملنا مسحات، أنا والأولاد واللي بيساعدونا في البيت عشان نطمن لأننا كنا مخالطين لحسن، وبإذن الله نعرف النتيجة بكرا بالليل، وربنا يجيب العواقب سليمة يا رب».

وأضافت داليا البحيري: «أنا بقول الكلام ده ليه؟ عشان أي حد لازم يعمل كده لازم يقول وبكل وضوح عشان الناس اللي كانت مخالطة ليهم يعرفوا ويطمنوا على نفسهم، لأن دي أمانة، والمرض مش حاجة الواحد يخجل منها، بشكر كل اللي اتكلم يطمن على حسن وعلينا، وآسفة إن إحنا مش لاحقين نرد عشان متكركبين وبنشوف هنعمل إيه.. دعواتكم لحسن بالشفاء العاجل ودعواتكم لينا إننا نكون بخير، ألف شكر، وربنا يسلمكم جميعا ويحفظكم من كل شر».

وأعلن عدد من الفنانين مؤخرًا إصابتهم بفيروس كورونا، كانت أولهم الفنانة رجاء الجداوي التي تتلقى العلاج بمستشفى العزل بالإسماعيلية، وكذلك الفنان الشاب كريم قاسم، والفنانة إيمان العاصي والفنان مصطفى درويش.


الكلمات المتعلقة‎


مواضيع ممكن تعجبك