تستمع الآن

حلا شيحة عن عمليات التجميل: «غلطة وكنت عايزة أجرب الإحساس عامل إزاي»

الأحد - ٢١ يونيو ٢٠٢٠

كشفت الفنانة حلا شيحة عن خضوعها لعمليات تجميل خلال الفترة الماضية، مشيرة إلى أنها كانت “غلطة” ولن تكررها مرة أخرى.

وقالت حلا شيحة خلال حوار مع الإعلامي وائل الإبراشي في برنامج “التاسعة”، على القناة الأولى، إنها لم تكن تحب أن تكون العمليات بهذا الشكل خاصة أنها تحب الطبيعة، موضحة: “عملت عمليات تجميل وهي غلطة، ومكنتش حابة أعملها بالطريقة دي”.

وتابعت: “أنا بحب وشي طبيعي وهي كانت لحظة جنان وقلت عايزة أجرب الاحساس ده عامل إزاي، وعايزة أشوف شكلي بطريقة مختلفة”.

وأضافت: “هي مش عمليات بالمفهوم المعروف، هي مجرد فيلر وأشياء من هذا الأمر، لكن لما عملتها اتضايقت وقلت مش أنا الشخصية دي، أنا بحب أبقى بطبيعتي”.

وأكملت حلا شيحة: “اتضايقت لكن خلاص مفيش حاجة في إيدي أعملها وخفت ألعب في حاجة، كانت لحظة جنان لكن محبتهاش ومكنش ليها لازمة”.

وأكدت: “أنا وجهي جماله في بساطته وطبيعته، ومش هعمل ده تاني وكنت حاسة إن في حاجة غلط، ومكنتش عايزة يطلع شكلي كده وطلع غلط.. كنت عايزة خدود عملتها وطلع (دبل خدود)، لكن خفت أصلح اللي حصل حاجة تبوظ تاني”.

كانت حلا شيحة قد شاركت في الموسم الرمضاني الماضي، من خلال مسلسل “خيانة عهد” مع الفنانة يسرا، ولاقى المسلسل نجاحًا كبيرًا.

المسلسل من بطولة: إدوارد، وخالد سرحان، وجومانا مراد، وتيام مصطفى قمر، وبيومي فؤاد، وحلا شيحة، وعبير صبري، وخالد أنور، وسلوى عثمان.


الكلمات المتعلقة‎


مواضيع ممكن تعجبك