تستمع الآن

القصة الكاملة لتصريحات يوسف الشريف بشأن «المشاهد الساخنة» في أعماله

الأحد - ٢٨ يونيو ٢٠٢٠

جدل كبير أثير حول الفنان يوسف الشريف بعد حديثه مع الإعلامي رامي رضوان عبر برنامج “مساء dmc”، وكشفه عن رفضه وجود مشاهد ساخنة في أعماله الفنية.

كان يوسف الشريف قد تحدث في تصريحات تليفزيونية عن رفضه القيام بأي مشاهد ساخنة في أعماله الفنية، وهو قرار اتخذه من 10 سنوات خاصة بعد فيلم “هي فوضى”، وهو ما فسره البعض أنه رفض لملامسة النساء في أعماله الفنية، قبل أن يوضح المقصود في تغريدة عبر صفحته على “تويتر”.

وكتب يوسف الشريف عبر صفحته: “مش عارف إزاي كلمة (المشاهد الساخنة)اتحولت لـ(ملامسة النساء)، عموماً لازم نفترض حسن النية”.

وأكمل: “طبعًا المشهد ده أصلا ملوش أي علاقة بالكلام ده، ده مشهد عادي جدًا وتخيل أن كل الدوشة دي بسبب تصريح من حساب مزور، كذبوا الكذبة وصدقوها”.

يوسف الشريف

فيما علق الإعلامي رامي رضوان على اللغط الذي انتشر بشأن تصريحات يوسف الشريف، قائلا: “يوسف الشريف قال في الحوار (مابحبش المشاهد الساخنة)، وبقيت بحط ده في العقود عشان حصل مشاكل قبل كده. ولا اطرح ذلك للنقاش.. ولا يعني ذلك اني أفضل من أحد.. فيه زملاء أفضل مني بكتير.. بس أنا برتاح كده في شغلي”.

وأوضح: “بدأت صحف تكتب أن يقول إنه يضع بنود في عقود عمله لرفض ملامسة النساء، وبدأ كام شخص ينتقدوه على ما كتبته الصحف.. اللي هو ماقالوش من الأساس، أومال لو كان قال انه بيحب المشاهد الساخنة كنتم عملتوا ايه”.

كان يوسف الشريف قد تحدث مع رامي رضوان، عن مشاهده السينمائية والدرامية والشروط التي يضعها في أعماله، قائلا: “في قيود شوية بحطها لنفسي بزيادة عن أي شخص تاني وهذه حقيقة بقالها 10 سنوات أو أكثر بعد فيلم (هي فوضى)”.

وتابع: “بدأت أفكر بالطريقة دي، ودي حاجة شخصية طالما لم تضر أي شخص ولا تطرح للنقاش، وفي فرق بين أن يكون لك مبدأ معين أو تفكير معين وتطبقه على حياتك وشغلك”.

وأضاف يوسف الشريف: “أنا مش بستريح أن يبقى في مشاهد ساخنة أو قبلات أو أحضان، لذا بدأت أحط قيود عشان أول لما حاولت أطبق ده واجهت مشاكل كبيرة”.

تضامن من الفنانين

فيما ساند الفنان محمد أنور، الفنان يوسف الشريف عبر تدوينة على صفحته، قائلا: “ايه كل الهري والكلام الفاضي وقلة الأدب اللي حصلت عشان الراجل ده قال إن عنده مبدأ معين هو أنه ضد المشاهد الساخنة أو الأحضان والبوس والكلام ده لأنه ببساطة بيخاف ربنا ومش عاوز يغضبه وهو شغال بالمبدأ بقاله أكتر من 10 سنين وناجح بيه وربنا كارمه من وسع كمان”.

وأكمل: “على فكره بقي هو صح والله العظيم وانا نفسي اللي لسه ببدأ عملت حاجات وندمت اني عملتها ونفسي ربنا يسامحني عليها، وافتكر أنك لما بتموت وأنت سايب صدقة جارية بتنفعك في قبرك وتزود حسناتك.. ممكن كمان تعمل عمل يعتبر ذنب جاري وبعد ماتموت يفضل يزود سيئاتك”.

كما علق الفنان هشام ماجد على تصريحات يوسف الشريف وانتقادات البعض له، موضحا: “في بعض الناس سواء شغالين فالمجال الفني أو صحفيين أو ناس عادية استغلوا الكلام اللي قالوا يوسف الشريف وابتدوا يهاجموه وقاموا ناشرين حاجات لأفلام قديمة عملها عشان يثبتوا انه كان بيعمل الحاجات دي عادي، وأنه يعني كده بيدعي الفضيلة”.

وقال هشام ماجد: “يوسف الشريف.. فنان راقي ومحترم بيتعب على شغله وبيحترم جمهوره.. وكل الاحترام لأي حد متفق أو مختلف مع كلامه بس باحترام، وكل واحد ليه الحرية في أفكاره طالما بيحترم اللي حوليه ومبيأذيش حد.. مش عجبك كلامه تقدر ماتتفرجش على أعماله أو تقدر متشغلوش”.


الكلمات المتعلقة‎


مواضيع ممكن تعجبك