تستمع الآن

شقيق ياسمين عبد العزيز يشتكي غيابه عن الساحة الفنية: «هل لو وافقت على طلاق وجواز كان زماني بشتغل؟»

الإثنين - ١١ مايو ٢٠٢٠

كشف الفنان وائل عبد العزيز عن تضرره من الغياب عن الساحة الفنية خلال الفترة الماضية وعدم تلقيه أية عروض للعمل متسائلًا في رسالة للمنتجين إن كان للأمر علاقة بمشكلاته مع شقيقته ياسمين عبد العزيز.

وكتب وائل في منشور عبر حسابه على «فيسبوك» قبل أيام: «أسئلة مهمة للساده الزملاء الأفاضل … !! الاول سلامة عليكم وكل سنه وحضرتكم طيبين وناجحين ورمضان كريم ..انا اشتغلت مع اغلبيه الأساتذة الأفاضل المحترمين اكتر من مره من ممثلين ومخرجين ومنتجين وكذا صحفيين في حوارات صحفية عديدة وموزعين».

وأوضح: «هل حضراتكم شوفتوا مني حاجه وحشه …!؟ هل عمري دخلت لشخص بواسطة او باسم .. هل عمري اتأخرت في مره عن شغلي …!؟ هل عمري ضايقتك زميل او زميله …!؟ هل تعديت حدود آداب المهنة….!؟ هل انا ممثل مش كويس ….!؟  واخيرا هل مثلا تعاديت حدود الاصول على ممثلة اخت زميل ليا .. !؟».

وأضاف وائل عبد العزيز: «أظن حضراتكم عارفين الإجابة كويس لان انا عمري ما صدر مني شكوى … وأنتم نفسكم طلعتوا عليا الجدع ابن البلد .. طيب انا مبشتغلش ليه دراما بقالي سنتين ….!؟  وليه الأساتذة المنتجين لموسم رمضان متجاهليني تماما !؟ وهل يا تري ده ليه علاقة بالمشاكل الشخصية.. ولو له علاقة أحب افهم ليه …؟!  وهل لو كنت وافقت على طلاق ووافقت على جواز تاني كان زماني بشتغل؟».

وأكد: «انا اظن اني معنديش مشاكل غير الي باينه للناس كلها .. وعلاقتي بالأستاذ المحترم / تامر مرسي كويسه من سنين طويلة كثيره وكان أول المحترمين الي وقف جنبي من اكتر من ١٣ سنه في دور طويل في مسلسل بره الدنيا للنجم شريف منير علي الرغم ان عدد أعمالي في الشركه الام الحاضنة للدراما المصريه ” سينرجي ” لا يتعدى ٣ أعمال».

وتابع: «اما علاقتي بالأستاذة المخرجين الحمد لله كلهم صحابي وناس محترمه مفيش بيني وبينهم غير كل خير .. وبالفعل اخدت كلمه من اكتر من مخرج السنادي علي المشاركه في اعمال ٢٠٢٠ وللاسف لم يحدث شيء .. وماظنش ان عندي مشاكل أمنيه مثلا او مطلوب للعداله ..  يا ناس انا ليا جمهور وكبير الحمد لله وعدد الجوايز ١٧ جايزه من محافظات مصر كلها .. ياريت حد يرد عليا بعد اذن حضراتكم .. وياريت لو في حاجه انا جاهز احلها لان كده ميرديش ربنا وقف الحال ده … وشكرا».

لكن وائل قام بحذف المنشور بعد ذلك وكتب آخر قال فيه «أنا مسؤل علي الي بقوله مش الي انت تفهمه!».

يأتي هذا بعد مشادات وقعت بين الفنان وشقيقته ياسمين عبد العزيز بسبب العلاقة العاطفية التي ظهرت بينها وبين الفنان أحمد العوضي قبل أن تكشف مباركات عدد من النجوم والإعلاميين عن عقد قرانهما.


الكلمات المتعلقة‎


مواضيع ممكن تعجبك