تستمع الآن

أمير طعيمة لمنتقدي «رامز مجنون رسمي»: «الضيف راضي ولو المحتوى مش عاجبك عندك عشرات الاختيارات»

الأحد - ٠٣ مايو ٢٠٢٠

علق الشاعر أمير طعيمة على الانتقادات والهجوم الذي واجهه برنامج «رامز مجنون رسمي» منذ حلقاته الأولى من إهانته للفنانين الضيوف بشكلٍ استفز المتابعين.

وكتب «طعيمة» عبر صفحته الرسمية في «فيسبوك»: «بعيدًا عن ان رامز صاحبي و بحبه جدا، النقطة دي مهمة جدا للمعترضين علي البرنامج، أي ضيف بيروح البرنامج لو مش عايز حلقته تتذاع يقدر بعمل كده، في سنة من السنين الفنانة اثار الحكيم رفضت و حلقتها لم تذاع».

وأضاف أمير طعيمة: «طالما البرنامج راضي و الضيف راضي و معظم الجمهور راضي بدليل ان البرنامج نسبة مشاهدته عالية جدا، ايه المشكلة، هل معني كده انك كمتفرج لازم يعجبك ؟ برضه لا .. لو المحتوي مش عاجبك عندك في نفس التوقيت عشرات الاختيارات».

وتابع: «وفكرة ان الضيف بيهين نفسه عشان فلوس ده مش حقيقي لان معظم النجوم اللي بيروحوا مش محتاجين فلوس، يعني بيقبلوا لانهم شايفين ان الموضوع عاجبهم و بحسبتهم هيفيدهم و ده كمان قرار شخصي و كل واحد له حسبته، و حتي اللي بيوافق عشان مقابل مادي فهو برضه حر، it’s win win situation في جميع الاحوال».

بعيدًا عن ان رامز صاحبي و بحبه جدا، النقطة دي مهمة جدا للمعترضين علي البرنامج، أي ضيف بيروح البرنامج لو مش عايز حلقته…

Posted by Amir Teima on Saturday, May 2, 2020

جاء هذا بعد توضيح الفنانة بدرية طلبة كواليس استضافتها في البرنامج عبر «فيسبوك».

وقالت بدرية: «أتمني تكون حلقة رامز مجنون رسمي عجبتكم وحابة اشرحلكم كواليس الحلقة بدء بأتصال من أروي لعمل لقاء معاها فى برنامجها والاعداد طلب مني لبس يليق ببرنامج فيه العاب ومسابقات ويكون الافضل بنطلون وبعد كام سؤال من أروي فوجئت برامز ولعلم الجميع لابنروح نهين نفسنا علشان فلوس ولا بناخد ملايين ولا كنت عارفه».

وأوضحت: «الحكايه ان برنامج رامز برنامج قوى وله جمهور وبينول نسبه مشاهدة عاليه جدا وياريت تشوفو البرنامج بعين التسلية والاستمتاع لاننا يهمنا متعتكم وابتسامتكم ورمضان كريم علينا جميعا».

وواجه رامز جلال تحركات رسمية تجاه برنامجه منها بلاغات للنائب العام ضده وقرار بوقف ظهوره على القنوات المصرية من نقابة الإعلاميين، وكذلك بيانًا من مستشفى الصحة النفسية حول المحتوى الذي يقدمه.


الكلمات المتعلقة‎


مواضيع ممكن تعجبك