تستمع الآن

وزير النقل منتقدا زيادة أعداد ركاب المترو: «مش فاهم هل الناس مابقتش خايفة دلوقتي؟»

الأحد - ٠٥ أبريل ٢٠٢٠

أعرب المهندس كامل الوزير، وزير النقل، عن اندهاشه من ازياد عدد ركاب المترو خلال الفترة الحالية، موضحا أن فى البداية التزم المواطنون ولكن الآن يشعرون بالاطمئنان وهذا خطأ.

وقال “الوزير”، خلال مداخلة هاتفية ببرنامج “على مسؤوليتي”، يوم الأحد، إنه تفقد محطات المترو ووجد اختلاف عدد الركاب حيث بلغ يوم الجمعة قبل الماضية 211 ألف راكب ، و296 ألف الجمعة الماضية، والسبت قبل الماضي 382 ألف وأمس السبت 458 ألف، بينما وصل عدد الركاب إلى 900 ألف حتى الساعة السادسة مساء اليوم، مردفًا: “أعداد الركاب في تزايد، والمواطنون التزموا بالتعليمات في البداية، مش فاهم هل مش خايفين دلوقتي”.

وأضاف أن عدد ركاب السكك الحديدية الجمعة 3 أبريل بلغ 250 ألف ضعف الجمعة قبل الماضية، مشيرا إلى أن السيدات ملتزمات في المترو إلى حد كبير بارتداء الكمامات بعكس الرجال، مناشدًا مواطني المحافظات بعدم زيارة القاهرة إلا للضرورة.

وأشار: «التصرفات الخاطئة التى يفعلها البعض والخروج من المنزل دون أسباب قوية، لازم ندق الجرس ونوعيهم، اللي عنده مصلحة مهمة بس اللي ينزل، أنا شفت زوجين 70 سنة جايين ينقلوا هدوم وأكل لبنتهم في الحلمية، هو مفيش في الحلمية أكل وهدوم».

وتابع: « أنا بوزع كمامات طول النهار بس مش هنقدر نوزع على كل الركاب في المترو».

وأكد الوزير: «الستات في المترو بتلبس كمامات أو بتغطي منطقة الأنف والوجه بإيشارب، الرجالة لأ ودى مشكلة.. أنا بدى راجل كمامة عايز يحطها في الشنطة!».


الكلمات المتعلقة‎


مواضيع ممكن تعجبك