تستمع الآن

عمرو محمود ياسين يرد على الكابتن أحمد حسن بعد هجومه على استمرار تصوير الفنانين لأعمالهم

الأحد - ٠٥ أبريل ٢٠٢٠

رد المؤلف عمرو محمود ياسين على الانتقادات التي توجه للفنانين واستمرارهم في تصوير أعمالهم، والمقارنة بين فتح استديوهات التصوير وإغلاق المساجد والكنائس، وخاصة بعد ما كتبه الكابتن أحمد حسن، نجم الأهلي السابق ومنتخب مصر، بأن يتم فتح الاستديوهات للصلاة فيها طالما يتم تعقيمها.

وقال عمرو في الفيديو: “لما سألت مين بيروح شغل كل يوم رد ناس كتير، وقالوا إنهم منتظمين بالشغل يوميا، مسألة التمثيل والممثلين بالنسبة لي في غاية الغرابة، أولا لما حد بيقابل فنان بيحبه مبسوطين بيه وفرحانين بيه، وينزلوا يتفرجوا على فيلم في السينما بيجيب إيرادات رهيبة، وفي رمضان الناس تقعد تتفرج على المسلسلات ويحللوا”.

وأضاف: “مش هتكلم عن إن الفن شيء قيم ومحترم، وشكّل وجدان شعوب عبر التاريخ، هذا خارج إطار النقاش بتاعي اللي مش شايف كده هو حر”.

وتابع: “قبل ما تبدأ أزمة كورونا بدأنا مسلسلات، أنا عندي مسلسل (نحب تاني ليه) صورنا وقطعنا مشوارا كبيرا، حصلت المشكلة نعمل إيه يا جماعة، قالوا اللي فاضله شغل قليل يكمل وكل واحد بيروح أكيد بيروح خايف ومتوتر وقلقان، بس عنده التزام المسألة مش مسألة فلوس مش كل الناس معاهم ملايين، اللي بياخدوا دول عددهم قليل جدا مش النسبة العظمى من اللي شغالين في الفن”.

وأكمل: “في المسلسلات فيه عامل يومية كل عمل فني فيه 400 أو 500 عامل وعندهم أسر، المسلسل مش ممثلين بس، لو مسلسلي وقف هيكون عندي مشكلة مادية، وفي النهاية الرزق بتاع ربنا، يجي ويروح ده بتاع ربنا، اوعوا تفتكروا أن أنا أو غيري حاطين زكايب في بيتي، ساعات بتزنق جدا وبروح أخد قروض”.

وردًا على شعار “خليك في البيت”، الذي يردده الممثلين في الفيديوهات، بينما يستمرون هم في النزول للعمل، قال: “لها علاقة بما كان يحدث قبل الحظر بخروج الناس تتفسح وعلى القهاوي، اللي ينفع يمارس شغله بالبيت يتفضل يعمل كده محدش فينا يعرف يمثل وهو قاعد في البيت”.

وأردف: “زعلت من كابتن أحمد حسن”، في إشارة إلى رده على الفنانة دينا والتي صرحت بأن مواقع التصوير يتم تعقيمها كل يوم، فقال حسن: “طب ما نروح نصلي عندكم”، وعلق عمرو: “الكابتن أحمد حسن عايز يقلل من قيمة الفن أنا لو فكرت بنفس المنطق هقولك ينفع تبقوا 22 راجل بتجروا ورا كورة جلد، طبعا لا يمكن هقول كده أنا عارف أد إيه الكورة رياضة مهمة، والفن مهم ومؤثر اللي مش عارف قيمة الفن دي مشكلته”.

كان البعض انتقد استمرار تصوير مسلسلات رمضان، في ظل الإجراءات الاحترازية والوقائية، ومطالبة الفنانين للجمهور بالالتزام بالجلوس في بيوتهم للحد من انتشار فيروس كورونا.


الكلمات المتعلقة‎


مواضيع ممكن تعجبك