تستمع الآن

عمرو أديب عن عمرو دياب: «هو في حاجة بتحوق فيه؟».. ودينا الشربيني: «ماشاء الله»

الأحد - ١٩ أبريل ٢٠٢٠

تحدثت الفنانة دينا الشربيني عن الهضبة عمرو دياب الذي سجل الموسيقى التصويرية لمسلسلها الرمضاني الجديد «لعبة النسيان»، مشددة على أنه الفنان رقم 1 في الشرق الأوسط.

وأشارت دينا الشربيني خلال حوارها مع الإعلامي عمرو أديب في برنامج «الحكاية»، إلى أن عمرو دياب ناجح منذ أكثر من 30 سنة، مؤكدة: «أنا لما بتكلم عنه مبعرفش اتكلم قوي لأني مبعرفش أديله حجمه، لكن هو ناجح بقاله 30 سنة ودي مش حاجة صدفة».

وتابعت دينا: «عمرو عنده جملة بيقولها.. أنا جاي من بوسعيد عندي مشروع، وهو ممكن يبقى قاعد سنة يشتغل ولما بيشتغل حاجة بتكون فظيعة، وأنا حقيقي بتأثر لما بسمع الموسيقى التصويرية التي قدمها لمسلسل لعبة النسيان».

وقالت: «تحس إن في عظمة كده ومزيكا من غير حاجة والموسيقى اللي جاية أكتر»، مؤكدة أنه يشجعها بشكل كبير في كل شيء.

وعن موقفه من فيروس كورونا واستمرارها في تصوير مسلسلها: «هو مشجع في كل حاجة ومكنتش متوقعة كده، وهو عشان بيحب شغله قوي بيكون عايز يكمل في حاجات أحلى لكن هو بيخاف على نفسه».

وأكملت دينا الشربيني: «عمرو دياب مبينزلش خالص بقاله أكثر من شهر وقاعد، وهو ده اللي مفروض يحصل، ولو معنديش تصوير كنت قعدت في البيت، وبشكره انه مستحملني خلال الفترة».

ومازح عمرو أديب، ديا الشربيني، قائلا: «هو ملى شوية ولا لسه الصحة كويسة؟»، لترد الشربيني: «لأ ماشاء الله لسه تمام وبقى يلعب رياضة اكتر».

وأكد عمرو أديب: «في أكتر من كده يا دينا ده كتير قوي؟ لترد ماشاء الله، ليجيب أديب: (هو في حاجة بتحوق فيه؟)».

وردت دينا الشربيني: «والله هو فعلا لما يكون عنده وقت بيلعب رياضة كتير وهو طول الوقت عنده شغل»، ليرد أديب: «يقعد شوية يا دينا ده ياما اشتغل.. ده اشتغل نار السنة دي».

هاني خليفة

كما تطرقت دينا الشربيني إلى انسحاب مخرج مسلسل «لعبة النسيان» من إخراج المسلسل، موضحة: «أريد أن أوجه الشكر إلى هاني خليفة حيث بدأ التصوير وصور العديد من المشاهد».

وتابعت: «السبب الحقيقي أنا معرفوش لكن أنا بقدمله كل الشكر وبحترمه جدًا، وهو اعتذر لكن السبب الحقيقي معرفوش لأننا لم نتحدث بعدها، وأنا أعرف أن هناك مشكلة ضيق الوقت بسبب الظروف الحالية، وقبل رمضان خلصنا نصف المسلسل لكننا تعودنا أننا نشتغل حتى آخر أيام رمضان».

يذكر أن «لعبة النسيان»، من بطولة: دينا الشربيني، وأحمد داود، وإنجي المقدم، ورجاء الجداوي، ومحمود قابيل ومن تأليف تامر حبيب وإخراج هاني خليفة.

المسلسل ينتمي لنوعية أعمال الدراما الاجتماعية تدور أحداثه حول امرأة تعيش حياة الطبقة المتوسطة، وتتغير حياتها تمامًا عندما تفقد ذاكرتها وتجد نفسها في صراع بين حياتها الجديدة ومحاولة تذكر الماضي.


الكلمات المتعلقة‎


مواضيع ممكن تعجبك